Bujny pieravozčyk admianiaje 75% rejsaŭ pamiž Minskam i Vilniaj
Bolšaść pasažyraŭ, jakija byli paviny jechać «Jeŭrałajnsam» ź Biełarusi ŭ Litvu ci nazad 12 žniŭnia, atrymali paviedamleńni, što ich rejsy admienieny. Na inšyja daty admieny ŭžo taksama sypiacca.
Stała viadoma, što na 12 žniŭnia bujny pieravozčyk «Jeŭrałajns» admianiŭ 20 rejsaŭ z 26 pamiž Biełaruśsiu i Litvoj. Zastalisia tolki rejsy ź Minska ŭ Vilniu na 14.20, 16.00 i 20.00, a taksama ź Vilni ŭ Minsk na 6.40, 9.00 i 13.00.
Pasažyry, jaki mieli kvitki na inšyja rejsy, užo pačali atrymoŭvać paviedamleńni ab admienie. Jak stała viadoma «Našaj Nivie», tyčycca heta nie tolki rejsaŭ na 12 žniŭnia. Ludziam, jakija mieli kvitki na 13 žniŭnia, taksama prychodziać paviedamleńni ab admienie.
Aficyjnaja pryčyna takoj situacyi pakul nie ahučvajecca. Tyja, kamu pašancavała źviazacca sa słužbaj padtrymki, atrymali vietlivy adkaz, što pieravozčyk robić usio mahčymaje dla taho, kab vypravić situacyju. Ale kali kolkaść rejsaŭ «Jeŭrałajnsu» budzie adnoŭlena i ci adbudziecca heta ŭvohule, nieviadoma.
Anłajn-servis prodažu kvitkoŭ Infobus abiacaje, što hrošy za kvitki na admienienyja rejsy viernuć u 100% abjomie. Ale tych, kamu terminova treba trapić na samalot, kab adlacieć ź Vilni ŭ adpačynak, ci, naadvarot, viarnucca ź Jeŭrasajuza ŭ Biełaruś, heta suciašaje mała.
U pamiežnych čatach abstanoŭka niervovaja. «Tut nie panika, tut infarkt, — napisała adna z žančyn. — Za 2,5 hadziny daviedałasia pra admienu, dobra, što na vakzał nie pajechała, a sieła z paputčykam da Vilni».
Ciapier najbližejšaja data, na jakuju pakul jašče možna nabyć kvitki ź Minska ŭ Vilniu bieź pierasadak, — 16 žniŭnia. Ź Vilni ŭ Minsk pakul jość varyjanty navat na viečar 12 žniŭnia.
«Na ich užo nichto nie reahuje». Biełarusy raskazali, ci pracuje ciapier schiema pierasadki ŭ inšyja aŭtobusy, kab chutčej prajści miažu
Na miažy ź Litvoj znajšli kantrabandu ŭ rybnych kansiervach sa Šviecyi
«Treba razvaročvać aŭtobusy». Pieravozčyki damovilisia zmahacca ź ludźmi, jakija pierasadžvajucca na miažy
Kiroŭcy aŭtobusaŭ časta admaŭlajucca vieźci ŭ Biełaruś ukraincaŭ. Ci zakonna heta?
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty20
Kamientary