Adzin z dyrektaraŭ EPAM źbiraje srodki na lačeńnie žonki ad raku

Andrej raskazvaje: jaho žoncy zrabili MRT u sierbskaj klinicy i ŭbačyli, što adna vobłaść kišečnika pavialičyłasia da 10 sm. Zatym užo ŭ Čarnahoryi Taciana prajšła kałanaskapiju.

— Hastraenterołah advioŭ mianie ŭ bok i skazaŭ: «Ja miarkuju, što heta puchlina — i ŭsio surjozna». Ale MRT bolš ničoha nie pakazała, tamu my spadziavalisia, što heta niešta inšaje, zapaleńnie, naprykład.

«Taćcianie zrabili bijapsiju. My čakali vynikaŭ i abmiarkoŭvali z daktarami apieracyju, jaje možna było vykanać davoli terminova — i tam ža, u Čarnahoryi. Adnak adzin sa śpiecyjalistaŭ źviarnuŭ uvahu na vialiki pakiet limfavuzłoŭ na zdymku — i skazaŭ, što heta «mina zapavolenaha dziejańnia». «Ja nie rekamiendavaŭ by vam heta rabić tut, u Čarnahoryi».

Andrej i Taćciana vyrašyli šukać inšy varyjant. Surazmoŭca vyvučyŭ rejtynh krain, u jakich daktary paśpiachova lečać rak, — u topie ZŠA, Izrail, Hiermanija i Šviejcaryja.

— Trapić u Amieryku ŭ najkaraciejšyja terminy nierealna, a ŭ Izraili ceny ŭ razy vyšejšyja, čym u Jeŭropie.

«My pačali šukać niešta ŭ Hiermanii — i, o cud, dziakujučy ŭnutranym kantaktam znajšli. Adzin z supracoŭnikaŭ EPAM, niemiec, paraiŭ źviarnucca ŭ Klinikum Bogenhausen — heta bujnaja balnica, jakaja źjaŭlajecca častkaj univiersiteckaj kliniki Miunchiena, i tam vielmi dobraje adździaleńnie hastraenterałohii».

@belarusnovosti Načalnik iz EPAM sobirajet dieńhi na lečienije žieny #biełaruś #novostibiełarusi #onkołohija #minsksiejčas #biełorusy ♬ Aglow (Intro) - Slowed Down Version - Karamel Kel

«Heta byŭ čas, kali kožny dzień prychodzili niesuciašalnyja naviny»

1 lutaha jany adpravili zajaŭku — a ŭžo 6 lutaha sustrakalisia z hastraenterołaham Volfhanham Šepam.

Daktary vyvučyli dakumienty, što pryvieźli Andrej i Taćciana (na toj momant užo byli viadomyja vyniki bijapsii — na žal, histołahi vyjavili rakavyja kletki), i skazali, što pry ŭsioj pavazie da kaleh z Čarnahoryi, jany pavinny pravieści svajo abśledavańnie.

Taćcianu pakłali ŭ balnicu, joj vykanali šerah daśledavańniaŭ, u tym liku bijapsiju limfavuzłoŭ. Andrej zhadvaje, što heta byŭ čas, kali «kožny dzień prychodzili niesuciašalnyja naviny».

Spačatku daktary vyjavili čatyry druhasnyja puchlinnyja ačahi ŭ piečani (choć da taho ich kalehi ličyli, što mietastazaŭ u arhaniźmie niama).

«Ale samaje niepryjemnaje — jany atrymali infarmacyju ab limfavuzłach: «pakiet» znachodziŭsia pobač z arteryjami, jakija zabiaśpiečvajuć kryvioj nohi, — i nie dazvalaŭ pravieści apieracyju», — raskazvaje Andrej.

Kansilium vyrašyŭ pryznačyć Taćcianie chimijaterapiju na 3 miesiacy (usiaho 6 sieansaŭ), i paralelna — imunaterapiju manakłanalnymi antyciełami z 12 sieansaŭ.

Andrej padrabiazna pryvodzić tydniovy hrafik svajoj žonki: u paniadziełak — chimijaterapija, u sieradu — imunaterapija («ad jaje ŭ pacyjentaŭ bolš za ŭsio pabočnych efiektaŭ, i što samaje strašnaje dla dziaŭčat — usio heta adbivajecca na pryhažości tvaru i cieła»).

«U pratakołach prapisana prysutnaść rodziča jak umova dla vyzdaraŭleńnia»

Było niaprosta (Andrej uvieś toj čas koratka charaktaryzuje słovazłučeńniem «piakielnaje piekła»), ale praz 3 miesiacy vyniki ašałamili navat daktaroŭ: dva mietastazy «syšli», jašče dva pamienšylisia ŭ pamierach. I pakolki jany znachodzilisia na nievialikaj adlehłaści adzin ad adnaho, daktary ŭžo mahli adrazu vydalić ich šlacham radyjočastotnaj ablacyi.

— Nam skazali rychtavacca da apieracyi. Praź miesiac Taćcianie vydalili ŭsiu puchlinu, a taksama limfavuzły z taho «pakieta».

Apieracyja była małainvaziŭnaj — z dapamohaj robata Da Vinci. Praz usiaho piać sutak pacyjentku vypisali.

Zrazumieła, za hetym pajšoŭ jašče adzin kurs chimijaterapii (a potym praciahły pieryjad adnaŭleńnia). Andrej i Taćciana pastajanna jeździli ŭ kliniku na injekcyi.

Andrej robić nievialikaje adstupleńnie, kab pachvalić daktaroŭ i ŭspomnić dobrym słovam doktara Marcina Fuksa, jaki vioŭ usio lačeńnie, a taksama zachapicca staŭleńniem usiaho piersanału balnicy da pacyjentaŭ.

— Što prykmietna: u Hiermanii navat u pratakołach prapisana prysutnaść rodziča jak abaviazkovaja ŭmova dla vyzdaraŭleńnia — ad hetaha na 50% zaležyć pośpiech lačeńnia.

U kastryčniku jany atrymali papiaredniaje zaklučeńnie ab tym, što ŭ Taćciany nastupiła remisija — možna jechać dadomu.

U lutym Taćciana prajšła pieršy ček-ap. Vierdykt miedykaŭ ciešyŭ: «Nijakich śladoŭ rakavych kletak». Ale ček-ap u červieni, na žal, pakazaŭ recydyŭ. Daktary nastojvajuć na tym, što lačeńnie nieabchodna pačać nieadkładna — da kursu chimijaterapii zaraz vyrašana dadać radyjoterapiju.

«Kali b nie maje siabry, nie ludzi, ź jakimi ja pracavaŭ, — nie viedaju, jak spraviŭsia b»

U chodzie hutarki Andrej šmat havoryć ab tym, jak dapamahli jamu kalehi i siabry ŭ toj nialohki pieryjad: lačeńnie Taćciany abyšłosia ŭ niemałuju sumu — 250 tysiač jeŭra, i niejkija hrošy pryjšłosia pazyčać (asabliva ŭdziačny Andrej byłym kaleham z Wargaming — «ad ich pryjšła bolšaja častka dapamohi»).

— Kali b nie maje siabry, nie ludzi, ź jakimi ja pracavaŭ raniej i zaraz, — ja nie viedaju, jak spraviŭsia b.

Zaraz Andreju znoŭ patrebna dapamoha. Jon kaža, što «nie paśpieŭ materyjalna adnavicca», — a na novaje lačeńnie, pa papiarednich padlikach, spatrebicca nie mienš za 100 tysiač jeŭra.

Andrej źviartajecca da supolnaści, a taksama da kaleh, jakim dapamoh u svoj čas: navat nievialikaja suma syhraje vializnuju rolu. Dapamahčy možna, dałučyŭšysia da zboru pa spasyłcy abo pieravodam na kartu.

Rekvizity dla pieravodu

• PayPal:
• [email protected]
• phone: +38267148617
• address: Herceg — Novi, Meljine, Lazure A301
• Karta Pryjorbank: 4916 9896 6006 3305 04/28
• PRYORBANK AAT
• UNP 100220190
• BIK PJCBBY2X
• N tranzitnaha rachunku — BY85PJCB38129990001611000933 dla zaličeńnia na rachunak klijenta
• N BY 03PJCB30141030081073684933 Šubadzioraŭ Andrej Jurjevič, 18.09.1968 h. n.
• Karta ŚBIER: Tatiana Shubaderova, +7 921 361-74-95

Rekvizity

• Atrymalnik: ŠUBADZIORAVA TACIANA UŁADZIMIRAŬNA
• Numar rachunku: 40817810955863019063
• Bank atrymalnika: SIEVIERO-ZAPADNYJ BANK PAO ŚBIERBANK
• BIK: 044030653
• Kar. rachunak: 30101810500000000653
• INN: 7707083893
• KPP: 784243001
• SWIFT-kod: SABRRUMM

Abo — pa numary karty (Śbierbank) 2202203262921663

Andrej kaža, što kampanija taksama dapamahaje jamu — u tym liku tym, što daje jamu mahčymaść znachodzicca pobač z žonkaj i pracavać. Ale pa finansavuju padtrymku ŭ EPAM jon nie źviartaŭsia — kampanija pieražyvaje «nie samyja lepšyja časy», dy i joj jość, kamu dapamahać: pracaŭnikam-rełakantam, a taksama ŭkrainskim supracoŭnikam.

• 0
• 1
• 0
• 1
• 0
• 9
• 0
• 0