Aŭtobusam chutčej, ale pastajać daviadziecca. U servisie prodažu kvitkoŭ raskazali pra situacyju na miežach ź ES
Situacyja ŭ mižnarodnych pasažyrskich pieravozkach źmianiajecca ledź nie kožny dzień. U pasažyraŭ, zrazumieła, uźnikajuć pytańni: jak płanavać pajezdku, jaki kirunak vybrać, čaho čakać u darozie. Na ich adkazaŭ servis prodažu kvitkoŭ «Atłas».
Polšča: aŭtobus chutčejšy za mašynu, ale pastajać pryjdziecca
Hety kirunak u pasažyraŭ ličycca pryvabnym u tym liku i z-za cany kvitka. Pajezdka da Varšavy z Hrodna ci Minska abyjdziecca tańniej čym da Vilni. Mała taho, za apošni miesiac niekatoryja pieravozčyki pajšli i na źnižeńnie cenaŭ.
Kvitkoŭ u najaŭnaści chapaje. A što z čerhami? Kažuć, što siaredni čas čakańnia prachodžańnia miažy na mašynie składaje 7-9 sutak. Aŭtobus u hetym płanie vyjhraje, ale pasažyram usio ž treba rychtavacca da doŭhaha čakańnia.
Pavodle danych na ranicu aŭtorka ŭ čarzie stajali 140 aŭtobusaŭ. Kolki heta pa časie? Nia mienš za sutki, a ŭ niekatorych vypadkach možna ŭ čarzie pravieści i 2 dni.
Zrazumieła, što situacyja ŭpłyvaje i na hrafik ruchu aŭtobusaŭ. Vytrymlivać raskład składana, a časam niemahčyma. Ale pieravozčyki robiać usio mahčymaje, kab minimizavać niazručnaści dla pasažyraŭ: naprykład, u kanale «Atłas: hranica onłajn» možna znajści ŭsiu infarmacyju pra pieranosy abo zatrymki rejsaŭ.
Litva: pavodle raskładu, ale kvitki treba kuplać mocna zahadzia
Tut, u adroźnieńni ad Polščy, niama čerhaŭ. Aŭtobusy i praz «Bieniakoni», i praz «Kamienny Łoh» iduć stroha pa raskładzie i biez zatrymak. Ale i biez taho surjozny popyt na pajezdki ŭ apošni tydzień jašče bolš vyras. Tamu padarožža lepš płanavać zahadzia. Ciapier, naprykład, raskuplenyja praktyčna ŭsie kvitki da kanca žniŭnia. Ale na vierasień kvitkoŭ jašče chapaje.
Što tyčycca cany, to samy dastupny varyjant ź Minska da Vilni — 190 rubloŭ.
Toje samaje tyčycca i Łatvii
Kvitki ŭ Ryhu lepš brać zahadzia. Rejsavyja aŭtobusy miažu prachodziać biez zatrymak.
U punkcie «Kamienny Łoh» znoŭ prapuskajuć aŭto
Punkt propusku Kamienny Łoh całkam paralizavany — złamałasia biełaruskaja kampjutarnaja baza
«Tolikaŭ» možna było choć niejak kantralavać». Biełarusy tłumačać kałaps na miažy novym «biznesam»
Polskija pahraničniki raskazali, kolki čałaviek nie puścili ź Litvy ŭ Polšču paśla adnaŭleńnia pamiežnaha kantrolu pamiž krainami
Praz zatrymki na miažy niekatoryja rejsy z Varšavy da Minska pieranosiacca na sutki
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary