Аўтобусам хутчэй, але пастаяць давядзецца. У сэрвісе продажу квіткоў расказалі пра сітуацыю на межах з ЕС
Сітуацыя ў міжнародных пасажырскіх перавозках змяняецца ледзь не кожны дзень. У пасажыраў, зразумела, узнікаюць пытанні: як планаваць паездку, які кірунак выбраць, чаго чакаць у дарозе. На іх адказаў сэрвіс продажу квіткоў «Атлас».
Польшча: аўтобус хутчэйшы за машыну, але пастаяць прыйдзецца
Гэты кірунак у пасажыраў лічыцца прывабным у тым ліку і з-за цаны квітка. Паездка да Варшавы з Гродна ці Мінска абыйдзецца танней чым да Вільні. Мала таго, за апошні месяц некаторыя перавозчыкі пайшлі і на зніжэнне цэнаў.
Квіткоў у наяўнасці хапае. А што з чэргамі? Кажуць, што сярэдні час чакання праходжання мяжы на машыне складае 7-9 сутак. Аўтобус у гэтым плане выйграе, але пасажырам усё ж трэба рыхтавацца да доўгага чакання.
Паводле даных на раніцу аўторка ў чарзе стаялі 140 аўтобусаў. Колькі гэта па часе? Ня менш за суткі, а ў некаторых выпадках можна ў чарзе правесці і 2 дні.
Зразумела, што сітуацыя ўплывае і на графік руху аўтобусаў. Вытрымліваць расклад складана, а часам немагчыма. Але перавозчыкі робяць усё магчымае, каб мінімізаваць нязручнасці для пасажыраў: напрыклад, у канале «Атлас: граница онлайн» можна знайсці ўсю інфармацыю пра пераносы або затрымкі рэйсаў.
Літва: паводле раскладу, але квіткі трэба купляць моцна загадзя
Тут, у адрозненні ад Польшчы, няма чэргаў. Аўтобусы і праз «Беняконі», і праз «Каменны Лог» ідуць строга па раскладзе і без затрымак. Але і без таго сур'ёзны попыт на паездкі ў апошні тыдзень яшчэ больш вырас. Таму падарожжа лепш планаваць загадзя. Цяпер, напрыклад, раскупленыя практычна ўсе квіткі да канца жніўня. Але на верасень квіткоў яшчэ хапае.
Што тычыцца цаны, то самы даступны варыянт з Мінска да Вільні — 190 рублёў.
Тое самае тычыцца і Латвіі
Квіткі ў Рыгу лепш браць загадзя. Рэйсавыя аўтобусы мяжу праходзяць без затрымак.
У пункце «Каменны Лог» зноў прапускаюць аўто
Пункт пропуску Каменны Лог цалкам паралізаваны — зламалася беларуская камп'ютарная база
«Толікаў» можна было хоць неяк кантраляваць». Беларусы тлумачаць калапс на мяжы новым «бізнэсам»
Польскія пагранічнікі расказалі, колькі чалавек не пусцілі з Літвы ў Польшчу пасля аднаўлення памежнага кантролю паміж краінамі
Праз затрымкі на мяжы некаторыя рэйсы з Варшавы да Мінска пераносяцца на суткі
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары