Stylistka prakamientavała školnuju formu «Biellehprama» — a vam jak? ŠMAT FOTA
Na novy navučalny hod «Biellehpram» padrychtavaŭ novuju školnuju formu. Adzieńnie dziełavoha stylu dla vučniaŭ adšyvali kala 60 fabryk, siarod ich — «8 Marta», «Paleśsie», «Kupalinka», «Słavianka» i inšyja. Spytali ŭ stylistki Hanny Pryšyvałka, nakolki adpaviadaje duchu času bačańnie stylu školnikaŭ biełaruskimi pradpryjemstvami.
Nahadajem, što z 1 vieraśnia 2025 hoda naviedvać zaniatki ŭ adzieńni dziełavoha stylu abaviazkova — hetu normu zamacavali ŭ abnoŭlenym Kodeksie ab adukacyi.
Stylistka Hanna Pryšyvałka ličyć, što sama ideja i dziełavoha stylu, i školnaj formy niadrennaja.
«Mnie jak stylistcy padajecca, što heta pravilnaja historyja, tamu što my ž usio jašče kažam pra etykiet pavodzinaŭ za stałom, na pieramovach ci inšych mierapryjemstvach, ale časam apuskajem z hetych praviłaŭ momant pra źniešni vyhlad. Kali ŭ škoły budzie chacia b maleniečki ŭniosak u raźvićcio hustu i pačućcia estetyki ŭ dziaciej, ja liču, budzie vydatna».
Taksama śpiecyjalizavanaje adzieńnie moža farmavać adčuvańnie dačynieńnia da niejkaj važnaj źjavy, ustanovy.
«Što ja maju na ŭvazie? Naprykład, formu ŭniviersitetaŭ i kaledžaŭ, jakija naležać da Lihi plušču. Ich forma — heta nie prosta adzieńnie, heta znak asablivaści, dačynieńnia da krutoj arhanizacyi. Nie mahu ničoha z saboj parabić, ale tut dadatkova ŭspłyvajuć i vobrazy z Chohvartsa — ty naležyš da peŭnaha fakulteta i hanaryšsia hetym», — kamientuje stylistka.
U plusy formy možna zanieści i toje, što jana ściraje mahčymuju miažu pamiž dziećmi z bolš bahatych siamiej i biednych.
«Dres-kod dapamoža kancentravacca na navučańni, a nie na tym, kab vypiendrycca i papantavacca pierad inšymi. Ale kali jon niasie takuju ž ideju, jakaja była ŭ savieckija časy, — kab usie byli prosta adnolkavymi, šeraj masaj, to tut lohka syści ŭ bok Paŭnočnaj Karei i rabić usim jašče i adnolkavyja pryčoski».
Pa madelach novaj školnaj formy na 2025-2026 navučalny hod Hanna bačyć pierakos akurat u bok uraŭnoŭvańnia dziaciej biez mety dapamahčy im. Zadača nibyta ŭ inšym — kab usio vyhladała akuratna dla baćkoŭ i čynoŭnikaŭ.
«Vielmi važna zadać pytańnie: dla kaho my heta robim? Dla dziaciej i padletkaŭ. Pry hetym sučasnych, vielmi dobra prainfarmavanych. I ŭ raspracoŭcy formy my musim pra ich dumać — uličvać ich pažadańni, patrabavańni i idei. Kab dzieci nasili formu z dobrymi pačućciami, tamu što jana sučasnaja i stylovaja.
Toje, što ja baču ŭ katałohu, moža padabacca (ci być abyjakavym) vučniam 1-3 kłasaŭ. Dalej takoje naŭrad ci pa svajoj voli zachočacca školnikam nasić. Dla jakoj mety my ŭpichvajem padletkaŭ u tonkija štany-truby i prapanoŭvajem zašpilenyja na ŭsie huziki kašuli, kali mnohija ź ich u svaim uzroście zvyčajna kampleksujuć nakont źniešniaha vyhladu i ŭ zvyčajnym žyćci lubiać nasić niešta bolš abjomnaje? My chočam, kab jany nienavidzieli hetaje adzieńnie?» — zadajecca pytańniem surazmoŭca.
Na pohlad stylistki, było b lepiej raspracavać dla dziaciej rečy z trykatažu. Zamiest zašpilenych na ŭsie huziki kašul — stylovyja poła. A taksama ŭkaraniać rečy-transformiery, u jakich, naprykład, možna adšpilić doŭhija rukavy, atrymaŭšy karotkija.
Jak najlepšyja varyjanty ŭ katałohu Hanna vyłučaje hetyja prapanovy ad «Śvitanka», «Kalinki» i «8 sakavika».
«Heta bolš-mienš sučasnyja opcyi, ale, kaniečnie, koleravaja palitra tut vielmi biednaja. Mnie nie padabajecca, što ŭ Jeŭropie, naprykład, uvohule niama etykietu źniešniaha vyhladu, ale i prapanoŭvać dzieciam staramodnyja rečy biez zručnych, idejnych elemientaŭ, ničym nie lepš», — ličyć stylistka.
Paśpiachovaja top-madel žyvie ŭ biełaruskaj vioscy — z hanararaŭ ad Dior i Versace kupiła baćkam karovu
Dyzajnierki prapanavali biełaruskuju alternatyvu papularnaj lalcy Łabubu
Zdajecca, vyznačyłasia samaja modnaja para biełaruskaj apazicyi. Jak vam ich pačućcie stylu?
Ideja dla padarunka — padborka stylovych aksiesuaraŭ ź biełaruskim kałarytam
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary
> Mnie nie padabajecca, što ŭ Jeŭropie, naprykład, uvohule niama etykietu źniešniaha vyhladu
I dobra. Uvohule hetaja stylistka častkova maje "staruju", "tradycyjnuju" pazicyju.
Hladzieŭ niadaŭna na administracyju Trampa i blizkich da jaho reparcioraŭ - usie jak kvadratnyja hramyki (jak naš Hramyka) z 1970-ch. Žach.
Dla dievočiek 1-8, 9 kłassov na piervom miestie priedpisano nošienije: jubka (briuki).
A do 8 kłassa biełaja ili hołubaja rubaška i trikotažnyj žilet, kakoj my vsie s vami možiem nabludať u amierikanskich školnikov v hollivudskich filmach...
Ivaniec, ty koho rastiš iz biełorusskich dievočiek?.. Buduŝich zaŝitnic rodiny?!