Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Usio heta trapiła na videa, zaŭvažyŭ «Pozirk».
Žurnalisty telekampanii ARD zrabili repartaž pra niamieckuju ŭltrapravuju partyju «Alternatyva dla Hiermanii», u jakim zavitali taksama i da deputata fiederalnaj ziamli Saksonija Jorha Dornaŭ.
Jon trymaje ŭ Lidskim rajonie firmu «Cybulka-Bieł» pa pierapracoŭcy cybuli. Jeździli da niamieckaha deputata reparciory razam z byłym biełaruskim viaźniem Siarhiejem Čarniakom, jaki padčas administracyjnaha aryštu ŭ lutym 2024 hoda pracavaŭ na «Cybulku-Bieł».
«My chacieli zapytacca ŭ Dornaŭ, čamu jon u Biełarusi prymušaŭ pracavać na siabie palityčnych viaźniaŭ», — patłumačyŭ hołas za kadram.
Na videazapisie bačna, jak žurnalistaŭ i Čarniaka vyhaniaje sa dvara ruskamoŭnaja žančyna, jakaja zdymaje toje, što adbyvajecca, na telefon, a potym pluje ŭ žurnalista praz ščylinu ŭ bramie i trochi paźniej kaža na adras Čarniaka: «Vy tam nie pracavali».
Nieŭzabavie pryjazdžaje sam Dornaŭ, jaki raźjušana patrabuje spynić zdymki, pakinuć terytoryju pierad domam, jakuju ličyć svajoj, i bje rukoj pa kamiery apieratara.
Paśla pryjechała palicyja, jakaja zapisała ich źviestki, a dla afarmleńnia daviałosia pajechać u Lejpcyh.
«Viedaju, što žurnalisty admovilisia ad pakazańniaŭ, vyrašyli biez advakata nie razmaŭlać. Trochi Dornaŭ paškodziŭ kamieru apierataru. Kali jon padaje ŭ sud na ich, to jany tady na jaho», — prakamientavaŭ «Pozirku» tuju sustreču sam Čarniak.
«Jamu pryjechać u Biełaruś možna, a mnie pryjechać ź im pahavaryć niamožna. U jaho asabistaje žyćcio, majo žyćcio jaho nie cikavić. U jaho jość asabistaje žyćcio, padła, ty ž deputat. Vyjdzi, skažy. Voś taki narodny niamiecki deputat, jaki choča łukašenkaŭskuju alternatyvu dla svajoj krainy.
Biez hetaj pajezdki adčuvaješ, što mirnaje žyćcio ŭ Jeŭropie. A jano nie tak, bo vajna idzie: adnyja padtrymlivajuć Ukrainu, druhija — ahresara i jaho pamočnika. Vajna idzie, a vajennapałonnyja siadziać u Biełarusi, bo jany lubiać svaju Radzimu, a nie ŭładu», — skazaŭ jon.
Partyju, jakuju aktyŭna padtrymlivajuć łukašysty, pryznali ekstremisckaj u Hiermanii
Advakat niamieckaha deputata Dornau paćvierdziŭ, što na jahonym biełaruskim pradpryjemstvie vykarystoŭvali pracu źniavolenych
Moža «ŭskryć rany nacyzmu» — što havorać niamieckija deputaty pra biznes ich kalehi ŭ Lidzie, dzie pracujuć palitviaźni
Deputatu ad «Alternatyvy dla Hiermanii» pahražaje vialiki štraf. Jon utaiŭ svoj biznes u Biełarusi
Ciapier čytajuć
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na hrošy sa zboru na chvoraje dzicia?34
Kamientary