Advakat niamieckaha deputata Dornau paćvierdziŭ, što na jahonym biełaruskim pradpryjemstvie vykarystoŭvali pracu źniavolenych
Advakat Rołand Ulbrych, jaki pradstaŭlaje intaresy saksonskaha deputata ad partyi «Alternatyva dla Niamieččyny» Jorha Dornau, paćvierdziŭ, što da rabot na jahonaj firmie «Cybulka-Bieł» pad Lidaj pryciahvali źniavolenych ź biełaruskich turmaŭ, piša Deutsche Welle.
Pa słovach Ulbrycha, jamu viadomy źmiest pracoŭnych damoŭ, zaklučanych u Biełarusi. Ale advakat śćviardžaje, što słovy pra toje, nibyta źniavolenyja nie byli zabiaśpiečanyja ježaj, nie adpaviadajuć rečaisnaści.
Akramia taho, pa słovach Ulbrycha, Jorhu Dornau nibyta nie byli viadomyja abvinavačvańni, pa jakich źniavolenych asudžali na administracyjny aryšt u Biełarusi.
Raniej prakuratura fiederalnaj ziamli Saksonija pačała papiaredniaje rasśledavańnie ŭ dačynieńni da siabra pravapapulisckaj partyi «Alternatyva dla Hiermanii» Jorha Dornau. Jaho padazrajuć u tym, što na cybulnych palach, jakija naležać jamu ŭ Biełarusi, vykarystoŭvałasia praca źniavolenych.
Heta adbyłosia paśla publikacyi biełaruskich žurnalistaŭ pra toje, što da pracy firmy «Cybulka-Bieł», jakaja častkova naležyć Dornau, pryciahvajuć administracyjna asudžanych, u tym liku pa palityčnych matyvach.
«Reputacyjnaja škoda vielizarnaja». Ad cybulnaha płantatara Jorha Dornau dystancyrujecca navat «Alternatyva dla Hiermanii»
Moža «ŭskryć rany nacyzmu» — što havorać niamieckija deputaty pra biznes ich kalehi ŭ Lidzie, dzie pracujuć palitviaźni
Deputat niamieckaj ultrapravaj partyi niekalki razoŭ tajemna sustrakaŭsia z pradstaŭnikami režymu Łukašenki
Deputatu ad «Alternatyvy dla Hiermanii» pahražaje vialiki štraf. Jon utaiŭ svoj biznes u Biełarusi
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
Jarko vidno v Ukrainie, da i v Biełarusi tožie, kak i v Vieniesuele, Ḿjanmie i t.d. i t.p.
Poka SŠA vypołniali rol žandarma, to sochraniałsia bałans mieždu avtokratijami, diktaturami i diemokratijami. Tiepieŕ žie, diemokratii, skatiliś k 4-5 letnim, elektoralnym cikłam, kotoryje formirujutsia bolšinstvami (lumpienom brosajuŝim biulletieni v urny) otmodierirovannych katiehorii iźbiratielej pod 4-5 letnije cikły nužd. Poetomu Zapad nie sposobien k dołhosročnomu płanirovaniju i žiostkoj zaŝitie svoich ciennostiej na dołhom horizontie płanirovanija.
Eto diemokratii i pohubit.