U Rastoŭskaj vobłaści bujny NPZ, padpaleny ŭkrainskim bieśpiłotnikam, haryć užo čaćviorty dzień
U Rasii ŭžo čaćviorty dzień nie mohuć patušyć pažar na Navašachcinskim naftapierapracoŭčym zavodzie ŭ Rastoŭskaj vobłaści, paviedamiŭ miascovy hubiernatar Juryj Ślusar. Heta adziny dziejny NPZ u rehijonie i hałoŭny pastaŭščyk paliva na poŭdni krainy.
Pažar pačaŭsia paśla ataki ŭkrainskaha drona 21 žniŭnia. Dla jaho likvidacyi pryciahnuli bolš za 400 čałaviek i 150 adzinak techniki. Dapamohu prysłali i z susiednich rehijonaŭ, u tym liku z Krasnadarskaha kraju, Kałmykii, Vałhahradskaj vobłaści i Padmaskoŭja. Kab zabiaśpiečyć dastatkovuju kolkaść vady, u niekalkich nasielenych punktach adklučyli vodazabieśpiačeńnie — biez vady zastalisia kala 8 tysiač čałaviek.
Pavodle padlikaŭ ŚMI, tolki ŭ žniŭni ŭkrainskija bieśpiłotniki paškodzili nie mienš za 10 bujnych enierhietyčnych abjektaŭ u Rasii, u tym liku NPZ. Niekatoryja zavody spynili pracu całkam, u vyniku prykładna 13% rasijskich mahutnaściaŭ pa pierapracoŭcy nafty akazalisia paralizavanymi.
U noč na niadzielu atacy znoŭ padvierhnuŭsia Syzranski NPZ «Rasnafty». Miascovyja žychary čuli kala 20 vybuchaŭ. Pavodle paviedamleńniaŭ uładaŭ, achviar niama.
Ad atak dronaŭ zahareŭsia terminał porta Uść-Łuha pad Pieciarburham
Drony ŭdaryli pa rasijskich rehijonach: pažar na NPZ u Navašachcinsku i paškodžańni enierhasistemy ŭ Varoniežskaj vobłaści
Drony ŭdaryli pa NPZ u Vałhahradzie, harać naftapradukty
Ukrainskija drony ŭdaryli pa NPZ u Saratavie
Drony atakavali NPZ u Krasnadarskim krai RF — bušujuć pažary
«Rasija — heta bienzakałonka z armijaj. I my majem namier źniščyć hetuju bienzakałonku»
Kamientary