Ad atak dronaŭ zahareŭsia terminał porta Uść-Łuha pad Pieciarburham
Nočču 24 žniŭnia Rasija była atakavanaja bieśpiłotnikami: jany vyklikali pažar na terminale «Navatek» u Leninhradskaj vobłaści, paškodzili transfarmatar kala Kurskaj AES, a taksama stali pryčynaj zbojaŭ u pracy aeraportaŭ.
U Leninhradskaj vobłaści paśla ataki bieśpiłotnikaŭ zahareŭsia terminał kampanii «Navatek» u porcie Uść-Łuha. Pavodle ŭładaŭ rehijona, pažar uźnik z-za padzieńnia abłomkaŭ dronaŭ, źbitych ranicaj 24 žniŭnia. Papiarednie, paciarpiełych niama, a jomistaści z palivam nie zakranutyja ahniom.
U noč na 24 žniŭnia bieśpiłotnik taksama byŭ źbity kala Kurskaj atamnaj elektrastancyi. Pry padzieńni aparat zdetanavaŭ, što pryviało da paškodžańnia transfarmatara ŭłasnych patreb AES. Paciarpiełych niama, radyjacyjny fon nie źmianiŭsia.
U Samarskaj vobłaści ŭ horadzie Syzrań drony atakavali pramysłovaje pradpryjemstva. Pavodle miascovych uładaŭ, mieła miesca ataka na Syzranski naftapierapracoŭčy zavod.
Usiaho ź viečara 23 žniŭnia, pavodle rasijskich uładaŭ, nad terytoryjaj Rasii źbili bolš za 150 bieśpiłotnikaŭ u bolš čym dziesiaci rehijonach.
Niekalki aeraportaŭ prypyniali pracu: u pieciarburhskim Pułkava zatrymali bolš za 60 rejsaŭ, i aeraport amal sutki pracavaŭ z abmiežavańniami.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj48
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary