U Centralnym parku Homiela časta śpiavaje afrykaniec. Što za jon?
Apošnim časam u sacyjalnych sietkach časta źjaŭlajucca videa z talenavitym vuličnym muzykam z Homiela. Ludziej ździŭlaje nie tolki sama prysutnaść čarnaskuraha śpievaka ŭ parku, ale i toje, jak jon śpiavaje. Kali zapluščyć vočy, moža padacca, što vy nie na vulicy biełaruskaha horada, a na stadyjonie Uembli i słuchajecie śpievaka z suśvietnaj viadomaściu. «Mocnyja naviny» pahavaryli z chłopcam i daviedalisia, jak jon apynuŭsia ŭ Homieli, ci vučyŭsia dzie vakału i što kažuć jamu homielcy.
Hiedeonu 30 hadoŭ, rodam jon sa stalicy Demakratyčnaj Respubliki Konha — Kinšasy. Pryjechaŭ u Biełaruś, kab vučycca ŭ Homielskim dziaržaŭnym univiersitecie imia Francyska Skaryny. Niadaŭna chłopiec atrymaŭ dypłom mieniedžara-ekanamista.
Mužčyna — chryścijanin, i viera zajmaje vielmi važnaje miesca ŭ jahonym žyćci. Śpiavaje jon i ŭ carkvie.
Pakul Hiedeon žyvie ŭ Biełarusi, jaho stali zaprašać śpiavać na viasiellach i inšych uračystaściach.
«Śpiavaju tam Hallelujah, Happy day, All of me», — pieraličvaje jon svoj repiertuar na hetych mierapryjemstvach.
Pakul ža bolš za ŭsio jon viadomy jak vuličny śpiavak z Centralnaha parku. Kaža, vyrašyŭ vystupać tam nie sam — prapanavali pasprabavać siabry.
«Jany paprasili mianie śpiavać, tamu što viedali, što ŭ mianie jość talent», — uspaminaje mužčyna.
Pa słovach Hiedeona, sakret jaho vakału ŭ tym, što jon śpiavaje z zapałam. Vakalnamu majsterstvu, darečy, nidzie nie navučaŭsia, a śpiavaje z 17 hadoŭ. Hołas prosta Boh daŭ.
Jahonyja lubimyja pieśni, darečy, taksama pra Boha, jon časta vybiraje repiertuar z afraamierykanskaha hośpieł-R'n'B. Kab zrazumieć, što heta za muzyka, uspomnicie luby amierykanski film, dzie jość chor z čarnaskurych vakalistaŭ u carkvie.
«Zvyčajna, kali ja śpiavaju, ludzi prychodziać abniać mianie. Jany kažuć mnie: «Heta śpiavaje tvajo serca, dziakuj za ŭsio!» Heta ciopłyja reakcyi i słovy, jakija ja atrymlivaju», — dzielicca Hiedeon.
Zatoje ź niehatyvam jon nikoli nie sutykaŭsia.
Ź miascovaha repiertuaru Hiedeon vyvučyŭ pieśniu «Tam, hdie klon šumit» savieckaha VIA «Siniaja ptuška» (ansambl, darečy, utvaryŭsia ŭ Homieli). Časam jon vykonvaje ŭ parku i hetuju pieśniu.
«Pacyjenty dzivilisia, ciapier vitajucca na vulicy. Tolki nie treba kazać Hello, bro!» U Barysavie žyvie i pracuje doktar ź Nihieryi
U centry Minska źjaviłasia kafe ŭ afrykanskim styli. Kab jaho adkryć, ułaśnica pradała kvateru
Biełaruska paskardziłasia, što ŭ pašparcie jaje dački nie napisali imia tak, jana chacieła — Estelle Thandie
Futbolnyja lehijaniery z Afryki raskazali, jak im zachodziać stravy biełaruskaj kuchni
Žychar z afrykanskaha Burkina-Faso pierajechaŭ u Hrodzienskuju vobłaść i pracuje traktarystam
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?13
Kamientary
Tolki dva pytańnia: 1) u jakoj carkvie Homiela jon śpiavaje? 2) dzie spatrebiŭsia jaho dypłom? dzie jon znajšoŭ pracu mieniedžara-ekanamista?