Апошнім часам у сацыяльных сетках часта з'яўляюцца відэа з таленавітым вулічным музыкам з Гомеля. Людзей здзіўляе не толькі сама прысутнасць чарнаскурага спевака ў парку, але і тое, як ён спявае. Калі заплюшчыць вочы, можа падацца, што вы не на вуліцы беларускага горада, а на стадыёне Уэмблі і слухаеце спевака з сусветнай вядомасцю. «Моцныя навіны» пагаварылі з хлопцам і даведаліся, як ён апынуўся ў Гомелі, ці вучыўся дзе вакалу і што кажуць яму гомельцы.
Гедэону 30 гадоў, родам ён са сталіцы Дэмакратычнай Рэспублікі Конга — Кіншасы. Прыехаў у Беларусь, каб вучыцца ў Гомельскім дзяржаўным універсітэце імя Францыска Скарыны. Нядаўна хлопец атрымаў дыплом менеджара-эканаміста.
Мужчына — хрысціянін, і вера займае вельмі важнае месца ў ягоным жыцці. Спявае ён і ў царкве.
Пакуль Гедэон жыве ў Беларусі, яго сталі запрашаць спяваць на вяселлях і іншых урачыстасцях.
«Спяваю там Hallelujah, Happy day, All of me», — пералічвае ён свой рэпертуар на гэтых мерапрыемствах.
Пакуль жа больш за ўсё ён вядомы як вулічны спявак з Цэнтральнага парку. Кажа, вырашыў выступаць там не сам — прапанавалі паспрабаваць сябры.
«Яны папрасілі мяне спяваць, таму што ведалі, што ў мяне ёсць талент», — успамінае мужчына.
Па словах Гедэона, сакрэт яго вакалу ў тым, што ён спявае з запалам. Вакальнаму майстэрству, дарэчы, нідзе не навучаўся, а спявае з 17 гадоў. Голас проста Бог даў.
Ягоныя любімыя песні, дарэчы, таксама пра Бога, ён часта выбірае рэпертуар з афраамерыканскага госпел-R'n'B. Каб зразумець, што гэта за музыка, успомніце любы амерыканскі фільм, дзе ёсць хор з чарнаскурых вакалістаў у царкве.
«Звычайна, калі я спяваю, людзі прыходзяць абняць мяне. Яны кажуць мне: «Гэта спявае тваё сэрца, дзякуй за ўсё!» Гэта цёплыя рэакцыі і словы, якія я атрымліваю», — дзеліцца Гедэон.
Затое з негатывам ён ніколі не сутыкаўся.
З мясцовага рэпертуару Гедэон вывучыў песню «Там, где клён шумит» савецкага ВІА «Сіняя птушка» (ансамбль, дарэчы, утварыўся ў Гомелі). Часам ён выконвае ў парку і гэтую песню.
«Пацыенты дзівіліся, цяпер вітаюцца на вуліцы. Толькі не трэба казаць Hello, bro!» У Барысаве жыве і працуе доктар з Нігерыі
У цэнтры Мінска з'явілася кафэ ў афрыканскім стылі. Каб яго адкрыць, уласніца прадала кватэру
Беларуска паскардзілася, што ў пашпарце яе дачкі не напісалі імя так, яна хацела — Estelle Thandie
Футбольныя легіянеры з Афрыкі расказалі, як ім заходзяць стравы беларускай кухні
Жыхар з афрыканскага Буркіна-Фасо пераехаў у Гродзенскую вобласць і працуе трактарыстам
Цяпер чытаюць
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія8
175 тысяч беларусаў эмігравалі ці выехалі на працу ў ЕС у 2024-м. Найбольш у Польшчу, а Германію здагнала Іспанія
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары
Толькі два пытання: 1) у якой царкве Гомеля ён спявае? 2) дзе спатрэбіўся яго дыплом? дзе ён знайшоў працу менеджара-эканаміста?