«Nie adrazu mianie pryniali». Kryścina Cimanoŭskaja raskazała, ź jakimi prablemami sutykałasia ŭ polskaj zbornaj
Biełaruskaja biahucha Kryścina Cimanoŭskaja, jakaja ciapier pradstaŭlaje Polšču, raskazała «Biełsatu», što ŭ pačatku jaje karjery ŭ novaj zbornaj adnosiny z partniorkami byli napružanyja. Spačatku dziaŭčaty pryniali jaje varoža, bo jana zaniała miesca ŭ estafiecie i adrazu pakazała vysoki vynik. Na toje, kab naładzić davier, spatrebiłasia amal dva hady.
«Skažu ščyra, što heta było nialohka, i pieršy hod u kamandzie byŭ vielmi ciažki. U tym liku i psichałahična, tamu što nie adrazu mianie pryniali. Kali ŭstupiła ŭ zbornuju i vystupiła na pieršym čempijanacie Polščy, uziała srebra. I dziaŭčynki vielmi niehatyŭna da mianie nastroilisia, tamu što pryjšła biełaruska, zabrała druhoje miesca i zabrała adno miesca ŭ estafiecie, tamu što ŭ estafiecie biahuć čatyry čałavieki. Adpaviedna, čaćviorty čałaviek, jaki byŭ da mianie, vypaŭ z hetaj estafiety, ja stała na jaho miesca, i daviałosia dva hady naładžvać suviaź ź dziaŭčatami».
Situacyja źmianiłasia paśla letašniaj Alimpijady ŭ Paryžy, dzie spartsmienki bolš zblizilisia. Važnuju rolu adyhrała i źmiena treniera: papiaredni stvaraŭ napružańnie ŭ kamandzie, a novy, naadvarot, dapamahaje ładzić siabroŭskuju atmaśfieru. Ciapier u zbornaj niama ŭnutranaj varožaści, dziaŭčaty padtrymlivajuć adna adnu navat na indyvidualnych dystancyjach.
Tydzień tamu Cimanoŭskaja stała čempijonkaj Polščy na 100 mietraŭ i płanuje ŭ budučyni zavajavać zołata taksama na 200 mietraŭ. Na apošnim čempijanacie jana nie zmahła biehčy hetuju dystancyju praz chvarobu, ale ŭsio ž pakazała najlepšy vynik siezona.
Spartsmienka paraŭnała dośvied u Polščy z tym, što było ŭ Biełarusi: kali jana skardziłasia na trenierskija mietady, tam jaje prosta prymušali maŭčać i treniravacca. U Polščy ž da mierkavańnia atletaŭ prysłuchoŭvajucca.
U vieraśni polskaja zbornaja vystupić na čempijanacie śvietu ŭ Tokia, i Cimanoŭskaja raźličvaje, što ich estafieta pakaža jašče lepšy vynik, čym dva hady tamu ŭ Budapiešcie, dzie jany zaniali piataje miesca.
Cimanoŭskaja stała čempijonkaj Polščy
Cimanoŭskaja paskardziłasia, što jaje były muž vyviez u Hruziju sabaku i tam pakinuŭ
Były muž Cimanoŭskaj raskazaŭ, što viarnuŭsia ŭ Biełaruś jašče da vybaraŭ i prahałasavaŭ za Łukašenku
Kryścina Cimanoŭskaja prakamientavała zajavu Śledčaha kamiteta i «pierapisku» ź Iharam Turam
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary