Z-za rasijskaha ŭmiašańnia samalot fon der Lajen siadaŭ u Bałharyi z vykarystańniem papiarovych kart
Samalot, na jakim lacieła staršynia Jeŭrakamisii Ursuła fon der Lajen u bałharski horad Płoŭdziŭ, nie moh vykarystoŭvać elektryčnyja navihacyjnyja srodki pry padlocie da aeraporta, piša Financial Times sa spasyłkaj na troch ananimnych čynoŭnikaŭ.
«Sihnał GPS źnik na ŭsioj terytoryi aeraporta», — skazała adzin z krynic haziety.
Pavodle jaho słoŭ, samalot ciaham hadziny kružyŭ nad aeraportam, a zatym piłot pryniaŭ rašeńnie vykarystoŭvać papiarovyja karty dla pasadki.
«Heta, biez sumnievu, było ŭmiašańniem», — dadaŭ surazmoŭca FT.
Upraŭleńnie pavietranaha ruchu Bałharyi paćvierdziła incydent haziecie.
Ź lutaha 2022 hoda my nazirajem prykmietny rost vypadkaŭ zahłušeńnia [sihnału GPS] i, u apošni čas, spufinhu (padman sihnału), — zajavili ŭ viedamstvie.
U apošnija hady pačaścilisia vypadki hłušeńnia sihnału GPS ŭ Bałtyjskim mory i jeŭrapiejskich krainach, što miažujuć z Rasijaj.
Učora Ursuła fon der Lajen naviedvała z Donaldam Tuskam polska-biełaruskuju miažu, a siońnia z Hitanasam Naŭsiedam — litoŭska-biełaruskuju.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary