«Dosyć sastupak». Tusk i Ursuła fon der Lajen naviedali polska-biełaruskuju miažu
Premjer-ministr Polščy Donald Tusk i staršynia Jeŭrapiejskaj kamisii Ursuła fon der Lajen praviali sumiesnuju pres-kanfierencyju na polska-biełaruskaj miažy, padkreślivajučy nieabchodnaść žorstkaj palityki ŭ dačynieńni da Biełarusi i Rasii.
Pavodle Tuska, vajna va Ukrainie i apošnija padziei paćviardžajuć, što nijakija sastupki, nijakaja tonkaja hulnia z Pucinym nie harantujuć biaśpieki.
«Dosyć sastupak. My pavinny być ćviordymi i dobra padrychtavanymi», — skazaŭ Tusk.
Jon zaklikaŭ Zachad da ćviordaści, salidarnaści i padrychtavanaści pierad «novaj viersijaj impieryi zła», zaklikaŭ Zachad dziejničać rašuča, z adzinstvam i salidarnaściu.
Putin has not changed.
In the last 25 years he started four wars.
He can only be kept in check through strong deterrence.
We must be precise and fast with the surge in our defence posture ↓ https://t.co/K8jFoTYIDt
Tusk taksama adznačyŭ, što vizit kiraŭnicy Jeŭrakamisii patrebny dla taho, kab «pierakanać usich u Jeŭropie, što heta miaža, jakuju treba abaraniać i ŭ jakuju varta ŭkładvać jeŭrapiejskija srodki».
Ursuła fon der Lajen, sa svajho boku, zajaviła: «Ja tut, kab vykazać poŭnuju salidarnaść z Polščaj jak z pryhraničnaj dziaržavaj».
Jana nahadała pra «cyničnyja i naŭmysnyja hibrydnyja ataki» na Polšču z boku Biełarusi i Rasii.
Jana zajaviła, što ES prapanuje novy siamihadovy biudžet z trochrazovym pavieličeńniem vydatkaŭ na achovu miežaŭ i kiravańnie mihracyjaj.
Asobna było paviedamlena, što krainy, jakija miažujuć z Rasijaj i Biełaruśsiu, atrymajuć dadatkovaje finansavańnie. Taksama Jeŭrakamisija prapanuje pavialičyć finansavańnie na mabilnaść vojska ŭ 10 razoŭ i bolš čym u 5 razoŭ abarončyja inviestycyi.
Fon der Lajen akcentavała, što «treba dziejničać chutka», bo «Pucin nie źmianiŭsia i nie źmienicca, jon — drapiežnik», jaki za apošnija 25 hadoŭ raźviazaŭ čatyry vojny: u Čačni, Hruzii, Krymie i poŭnamaštabnuju va Ukrainie.
Jana padkreśliła, što «strymlivać jaho možna tolki siłaj».
Raniej Tusk i fon der Lajen pryniali ŭdzieł u apieratyŭnaj naradzie z kamandavańniem polskaj Pamiežnaj słužby i armii ŭ Krynkach na miažy ź Biełaruśsiu.
Tam ža jany naviedali miesca budaŭnictva «Uschodniaha ščyta» i ahledzieli madernizavanuju stalovuju aharodžu na miažy, jakaja ŭžo abstalavanaja elektronnymi srodkami kantrolu na dziasiatkach kiłamietraŭ.
Hetaja sustreča stała častkaj jeŭrapiejskaha turne fon der Lajen, padčas jakoha jana płanuje naviedać jeŭrapiejskija dziaržavy, što miažujuć z Rasijaj i Biełaruśsiu.
Kamientary
Fon der Lajen akcentavała, što «treba dziejničać chutka»