Pucin nie suprać sustrecca ź Zialenskim, kali toj pryjedzie da jaho ŭ Maskvu
3 vieraśnia prezident Rasii Uładzimir Pucin padčas pres-kanfierencyi paśla čatyrochdzionnaha vizitu ŭ Kitaj prapanavaŭ prezidentu Ukrainy Uładzimiru Zialenskamu prybyć na pieramovy ŭ Maskvu. Pry hetym prezidentam jon jaho demanstratyŭna nie ličyć.
Pucin nazvaŭ Uładzimira Zialenskaha «dziejnym kiraŭnikom administracyi Ukrainy», arhumientujučy heta, jak zvyčajna, tym, što, maŭlaŭ, Zialenski paśla zakančeńnia piacihadovaha terminu paŭnamoctvaŭ nie pravioŭ novyja vybary.
Pucin skazaŭ, što Zialenski «abrany na piać hadoŭ, piać hadoŭ prajšło — paŭnamoctvy skončylisia», i tamu sustrečy z «dziejnym kiraŭnikom administracyi» mohuć nie mieć sensu, bo, maŭlaŭ, «u jaho niama kvorumu dla pryniaćcia rašeńniaŭ».
Razam z tym jon adznačyŭ, što sam jon nibyta nikoli nie admaŭlaŭsia ad sustrečy, kali jana budzie dobra padrychtavanaja i moža pryvieści da stanoŭčych vynikaŭ. Paśla čaho zaklikaŭ Zialenskaha pryjazdžać dla pieramoŭ u Maskvu.
Va Ukrainie hetuju prapanovu Kramla acanili jak nierealistyčnuju i faktyčna nakiravanuju na zaciahvańnie vajny. Pra heta ŭ kamientary ahienctvu UNIAN zajaviŭ daradca prezidenta Ukrainy ŭ pytańniach kamunikacyj Dźmitryj Litvin.
«Typovaja pucinskaja razvodka — kab nie rabić niešta realistyčnaje, što zaležyć ad jaho, naprykład, spynieńnie zabojstvaŭ, — jon prapanuje niešta nierealistyčnaje, naprykład, pryjechać da jaho ŭ Maskvu», — adznačyŭ daradca Zialenskaha.
Jak padkreśliŭ Litvin, ciapier Pucin «prosta zaciahvaje vajnu i znoŭ dakazvaje, što patrebien cisk, kab prymusić jaho da realnaj dypłamatyi i miru».
Z asabistaj sustrečaj Pucina i Zialenskaha nosiacca jak ź pisanaj torbaj. Ale što jana nasamreč źmienić?
Mierc upieršyniu adkryta nazvaŭ Pucina vajennym złačyncam. Pucin adkazaŭ
Pucin i Si abmiarkoŭvali, jak dažyć da 150 hadoŭ. Mikrafon byŭ nie vyklučany
Dałučeńnie Kryma da Rasii mahło być apošniaj volaj baćki Pucina
Mierc: U Pucina niama padstaŭ dla spynieńnia vajny ci zaklučeńnia mirnaj damovy z Ukrainaj
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary