Mierc upieršyniu adkryta nazvaŭ Pucina vajennym złačyncam. Pucin adkazaŭ
Fiederalny kancler Hiermanii Frydrych Mierc upieršyniu padčas publičnaha vystupleńnia adkryta acharaktaryzavaŭ Uładzimira Pucina jak «vajennaha złačynca».
«Mahčyma, [jon] adzin z samych surjoznych vajennych złačyncaŭ našaha času, jakoha my siońnia bačym u bujnym maštabie. I my pavinny jasna razumieć, jak abychodzicca z vajennymi złačyncami. Tut pabłažlivaść niedarečnaja», — skazaŭ niamiecki palityk u intervju telekanału Sat.1.
Taksama Mierc dadaŭ, što na hety momant Pucin nie bačyć nijakich padstaŭ dla spynieńnia ahniu abo mirnaha pahadnieńnia z Ukrainaj. Asobna kancler zajaviŭ, što nieabchodna ŭvieści pošliny dla tych, chto praciahvaje raźvivać handlovyja adnosiny z Rasijaj, kab asłabić rasijskuju ekanomiku.
Jak adznačaje Der Spiegel, Mierc raniej zajaŭlaŭ pra vajennyja złačynstvy Rasii, adnak jon nikoli nie vykarystoŭvaŭ słovazłučeńnie «vajenny złačyniec» u dačynieńni da asabista Pucina.
Pres-sakratar prezidenta Rasii Dźmitryj Piaskoŭ, kamientujučy zajavy Mierca, skazaŭ, što toj «dapuściŭ u apošnija časy vielmi šmat niadobrych zajaŭ» u adras Pucina.
Prakamientavaŭ vykazvańnie Mierca na pres-kanfierencyi pa vynikach vizitu ŭ Kitaj i sam Pucin. Na jaho dumku:
«Heta niaŭdałaja sproba źniać z kalektyŭnaha Zachadu adkaznaść za tuju trahiedyju, jakaja adbyvajecca va Ukrainie».
Pavodle jaho interpretacyi histaryčnych padziej, u 2014 hodzie ministry troch zachodnich krain padpisali pahadnieńnie pamiž prezidentam Ukrainy Janukovičam i apazicyjaj, jakoje praduhledžvała vyrašeńnie ŭsich pytańniaŭ u miežach kanstytucyi. Adnak užo na nastupny dzień adbyŭsia «dziaržaŭny pieravarot», i zachodnija haranty ničoha nie zrabili. Paśla hetaha, maŭlaŭ, i adbyłosia ŭklučeńnie Kryma i sutyknieńni na Danbasie. A ŭsie sproby Rasii vyrašyć pytańni mirnym šlacham, u tym liku praź Minskija pahadnieńni, byli Ukrainaj i Zachadam sarvanyja.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary
Durań nie viedaje, što nichto nie vyhaniaŭ Janukoviča — jon sam uciok u Rasiju, razam sa svaimi saŭdzielnikami skraŭšy 37 miljardaŭ dołaraŭ z ukrainskaha biudžetu.
Ale, zaŭvažcie, ad Pucina taksama niama zvarotu pa abaronie honaru j hodnaści ! Atrymlivajecca viłka, albo Pucin sapraŭdy złačynca, albo jamu niama čaho baranić...