Prezident Polščy, razvažajučy pra sučasnuju cenzuru, zhadaŭ biełarusaŭ i ich «vialikaha čałavieka»
Prezident Polščy Karal Naŭrocki padčas lekcyi ŭ Karłavym univiersitecie ŭ Prazie nazvaŭ biełarusaŭ siarod spadčyńnikaŭ Rečy Paspalitaj i zhadaŭ našaha pieršadrukara, zaŭvažyŭ Reform.news.
Lekcyja była pryśviečana jaho bačańniu jeŭrapiejskaj palityki.
Pakrytykavaŭšy ES za imknieńnie da zališniaj centralizacyi, Naŭrocki vykłaŭ polskuju prahramu, pavodle jakoj adzinymi suvierenami pavinny być nacyjanalnyja dziaržavy.
U hetym kantekście jon pazicyjanavaŭ Polšču jak krainu, jakaja niekali pakazała prykład suisnavańnia prodkaŭ sučasnych palakaŭ pavodle pryncypu «svabodnyja sa svabodnymi, roŭnyja z roŭnymi» z prodkami sučasnych litoŭcaŭ, biełarusaŭ, ukraincaŭ i jaŭrejaŭ.
Zhadaŭšy biełarusaŭ jak adnych sa spadkajemcaŭ Rečy Paspalitaj, Naŭrocki, razvažajučy pra cenzuru, pryśviaciŭ niekalki słovaŭ našamu pieršadrukaru: «Ideja luboj cenzury čužaja polskaj palityčnaj kultury. Užo ŭ kancy XVI stahodździa vialiki kancler Karony i vialiki hietman Karony Jan Zamojski, kali maskoŭskija pasły Ivana Hroznaha paprasili spalić knihi, jakija pakazvajuć kramloŭskaha kiraŭnika ŭ niehatyŭnym śviatle, adkazaŭ: «My tut, u hetaj Rečy Paspalitaj, nie zabaraniajem i nie zahadvajem pisać jakija-niebudź knihi». Heta ahulnaja tradycyja Rečy Paspalitaj i Češskaj Respubliki.
Niezdarma Francysk Skaryna, siońnia simvał vialikaha čałavieka epochi Adradžeńnia dla biełarusaŭ, nadrukavaŭ svaju pieršuju ŭ śviecie Bibliju, napisanuju kirylicaj na staražytnabiełaruskaj movie, tut, u Prazie, u 1517 hodzie, a inšyja svaje pracy — u Vilni — stalicy Vialikaha Kniastva Litoŭskaha».
Kamientary