Zialenski hatovy sustrecca z Trampam u amierykanski Dzień dziakavańnia
Prezident Ukrainy Uładzimir Zialenski hatovy jak maha chutčej sustrecca z prezidentam ZŠA Donaldam Trampam — mahčyma, užo 27 listapada, u Dzień dziakavańnia. Pra heta vydańniu Axios paviedamiŭ kiraŭnik Ofisa prezidenta Ukrainy Andrej Jarmak. Pavodle jaho, padčas pieramoŭ lidary pavinny kančatkova ŭzhadnić amierykana-ŭkrainski płan zaviaršeńnia vajny.
Andrej Jarmak adznačyŭ, što ZŠA i Ukraina ŭžo damovilisia pa bolšaści punktaŭ abnoŭlenaha dakumienta, jaki značna pierapracavany ŭ paraŭnańni ź pieršapačatkovym varyjantam z 28 punktaŭ. Ale pytańnie mahčymych terytaryjalnych sastupak Zialenski choča abmierkavać asabista z Trampam.
Amierykanski čynoŭnik, jaki pažadaŭ zastacca ananimnym, paćvierdziŭ, što baki sapraŭdy viaduć pieramovy pra sustreču na hetym abo nastupnym tydni, ale dakładnaja data pakul nie vyznačanaja. Tramp u aŭtorak uviečary pajedzie z Vašynhtona i płanuje pravieści śviatočnyja dni ŭ Mar-a-Łaha ŭ Fłarydzie.
Jarmak padkreśliŭ, što sustreča padčas śviata mahła b nabyć simvaličnaść: Zialenski zmoh by padtrymać pazicyju Trampa i tym samym uzmacnić jaho arhumienty pierad pieramovami z Rasijaj:
«Ja spadziajusia, što vizit prezidenta Zialenskaha adbudziecca jak maha chutčej, tamu što […] heta dapamoža prezidentu Trampu praciahnuć jaho histaryčnuju misiju pa zaviaršeńni hetaj vajny. Tady jon zmoža skazać: «Hladzicie, ukraincy paćvierdzili i ŭzhadnili našu pazicyju. My jaje padtrymlivajem, i ciapier praciahniem pieramovy z rasiejcami».
Što tyčycca harantyj biaśpieki, to Jarmak paviedamiŭ, što hatovy tekst vyhladaje «vielmi pierakanaŭča» i moža stać histaryčnym, bo Ukraina raniej nikoli nie atrymlivała takich abaviazvajučych harantyj ad ZŠA. Amierykanski bok, pavodle jaho, stanoŭča ŭsprymaje ideju zamacavać ich u jurydyčna abaviazkovaj damovie.
Taksama Jarmak adznačyŭ, što Ukraina nie źbirajecca admaŭlacca ad kursu na ŭstupleńnie ŭ NATA, choć ciapier kraina zastajecca pa-za aljansam.
Ukraina pahadziłasia abmiežavać armiju da 800 tysiač čałaviek
U ZŠA zajavili, što Ukraina pahadziłasia ź mirnym płanam Trampa
Umieraŭ: Kijeŭ i Vašynhton dasiahnuli «ahulnaha razumieńnia» pa klučavych umovach mirnaha płana
«Zastałosia tolki niekalki punktaŭ». U Biełym domie skazali, što bolšaść punktaŭ mirnaha płana pa Ukrainie ŭzhodnienyja
Paźniak pra mirny płan Trampa: Heta nie spraviadliva, ale racyjanalna dla ZŠA
Zialenski: Mnohija punkty byli ŭličanyja ŭ płanie pa Ukrainie
Kamientary