U Varšavie prymusova źnieśli pałatku prychilnikaŭ Pucina i Łukašenki. Ale bolš za hod jana prastajała
U Varšavie haradskija ŭłady razabrali pałatku, jakaja bolš za hod stajała nasuprać pasolstva ZŠA i była miescam dla prarasijskaj i prałukašenkaŭskaj ahitacyi, paviedamlaje Most.
Pałatku pastaviŭ u žniŭni 2024 hoda Andžej Zakšeŭski, kiraŭnik ruchu «Suvierenitet polskaha naroda». Tut vyviešvali antyŭkrainskija baniery, razdavali ŭlotki z prapahandysckimi tezami. Sam Zakšeŭski padčas razmovy z žurnalistami zajaŭlaŭ, byccam Ukrainu kantralujuć «jaŭrejskija aliharchi», apraŭdvaŭ napad Rasii, nazyvaŭ prezidenta Ukrainy Uładzimira Zialenskaha «bandziukom» i «narkamanam», a Łukašenku chvaliŭ za toje, što jon «zachavaŭ Biełaruś». U svaich zajavach jon taksama abvinavačvaŭ polskich palitykaŭ u «kantaktach ź jaŭrejskimi arhanizacyjami».
Choć pałatka vyklikała abureńnie, varšaŭskaja meryja doŭhi čas nie mahła jaje prybrać: rehistracyja pikieta hramadskim rucham farmalna harantavała jamu kanstytucyjnuju abaronu i ŭłady nie mieli zakonnych padstaŭ zabaranić taki «schod».
Situacyja źmianiłasia, kali Zakšeŭski pačaŭ zanosić u pałatku hazavyja bałony. Pažarnyja inśpiektary paličyli, što heta stvaraje pahrozu biaśpiecy. U apošnija miesiacy pałatka ŭžo ŭsprymałasia nie jak pikiet, a jak niezakonnaja pabudova, što pieraškadžaje ruchu.
20 listapada kanstrukcyju demantavali pry ŭdziele palicyi, haradskoj varty i pažarnaj słužby. Pavodle infarmacyi vydańnia Gazeta Wyborcza, Andžej Zakšeŭski sprabavaŭ supraciŭlacca, tamu palicyjanty vyklikali chutkuju dapamohu, jakaja adviezła jaho ŭ psichijatryčnuju kliniku.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary
//
Kołomojskij, Cukierman, Mindič, Jermak, Zielenskij...
Aktualny tranzit