Amierykanskija sienatary rapracavali prajekt zakona ad pryznańni Rasii i Biełarusi dziaržavami — sponsarami teraryzmu
U ZŠA hrupa sienataraŭ — respublikaniec Lindsi Hrem i demakraty Ryčard Blumiental, Emi Kłabušar i Keci Bryt — prapanavali prajekt zakona, pavodle jakoha Biełaruś i Rasija mohuć być pryznanyja dziaržavami — sponsarami teraryzmu, kali jany nie viernuć bolš za 19 tysiač ukrainskich dziaciej, vyviezienych padčas vajny, paviedamlaje Axios.
Ciapier u padobnym śpisie va ŭsim śviecie znachodziacca tolki Kuba, Iran, KNDR i Siryja.
Lindsi Hrem, vystupajučy ŭ Kijevie, padkreśliŭ, što trapić u hety śpis składana, ale Rasija, pavodle jaho słoŭ, «zasłužyła hetaje prava». Jon zajaviŭ, što budzie damahacca, kab inicyjatyvu jak maha chutčej razhledzieli abiedźvie partyi ŭ Sienacie.
«Rasija ŭvarvałasia va Ukrainu i, jak my miarkujem, vyviezła 19 546 dziaciej, adarvaŭšy ich ad siemjaŭ. Jaki pravilny adkaz? Treba dziejničać. Davajcie ŭsie razam padymiem azadki i pakažam, što heta absalutna nieprymalna», — skazaŭ Hrem.
Paralelna sienatary prasoŭvajuć jašče adzin sankcyjny pakiet. U im prapanujecca ŭzmacnić ekanamičny cisk na Rasiju, kali Pucin admovicca ad pieramoŭ z Ukrainaj, i ŭvieści 500-pracentnyja myty na tavary z tych krain, jakija praciahvajuć kuplać rasijskuju naftu. U hetaha zakonaprajekta ŭžo bolš za 80 saaŭtaraŭ.
Hrem adznačyŭ, što jon viadzie aktyŭnyja pieramovy ź Biełym domam, i bolšaść roznahałośsiaŭ užo źniataja. Dalej jon maje namier abmierkavać vyniasieńnie zakonaprajekta na hałasavańnie ź lidaram respublikancaŭ Džonam Ćjunam, jaki pryznaŭ, što ŭ Kanhresie «ŭzrasła cikavaść da bolš žorstkaha adkazu na dziejańni Maskvy».
Dadatkovym šturškom dla novych inicyjatyŭ stała niadaŭniaje parušeńnie rasijskimi dronami pavietranaj prastory Polščy, kali vajskoŭcy Polščy i NATA źbili bolš za dziasiatak latalnych aparataŭ.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
tramp prievratił v bałahan Sienat SŠA, Pientahon, CRU, FBR.....i kak riezultat etoho, bałahanom stało NATO.