Avijakampanija «Biełavija» abviaściła pra akcyju, jakaja budzie dziejničać 10 dzion — z 15 pa 24 vieraśnia. U hety čas možna kupić avijakvitki sa źnižkaj da 50% pa troch turystyčnych maršrutach. Pakul što ŭ śpis uvajšli tolki try kirunki, ale ŭ kampanii abiacajuć pašyryć jaho ŭ najbližejšyja dni.
Ciapier kvitki pa akcyjnych taryfach tudy i nazad prapanujuć u nastupnyja harady:
- Deli (Indyja) — ad 1294 rubloŭ;
- Urumčy (Kitaj) — ad 926 rubloŭ;
- Sankt-Pieciarburh (Rasija) — ad 337 rubloŭ ź Minska, ad 308 rubloŭ z Bresta, ad 300 rubloŭ z Homiela.
Kupić kvitki možna na aficyjnym sajcie «Biełavija», u kasach abo praz ahientaŭ. Ale jość šerah abmiežavańniaŭ:
- źnižka raspaŭsiudžvajecca tolki na taryf, ale nie na padatki i zbory;
- dziciačyja źnižki da takich kvitkoŭ nie prymianiajucca;
- kvitki pa akcyi niemahčyma viarnuć ci abmianiać;
- kolkaść miescaŭ pa promataryfach abmiežavanaja.
Akcyjnyja kvitki možna braniravać tolki ŭ adzin bok, ale dziejničajuć jany na paloty da 25 kastryčnika.
U kampanii papiaredzili, što padčas padobnych akcyj sajt moža pracavać ź pierabojami praź vialikuju kolkaść achvotnych. Tamu pry kupli kvitkoŭ pasažyram rajać być ciarplivymi.
Minfin ZŠA patłumačyŭ, jak z «Biełavija» zdymuć sankcyi
«Padrabiaznaściaŭ nie viedajem». «Biełavija» nie papiaredzili, što z kampanii zdymuć sankcyi
Ci zmohuć samaloty «Biełavija» paśla źniaćcia sankcyj ZŠA znoŭ lotać u Jeŭropu?
ZŠA zdymajuć sankcyi z «Biełavii»
«Biełavija» skasavała biaspłatnuju opcyju vybaru miesca na samalocie
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek5
Za minuły hod nasielnictva Biełarusi skaraciłasia jašče na 53 tysiačy čałaviek
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ1919
Kamientary