Авіякампанія «Белавія» абвясціла пра акцыю, якая будзе дзейнічаць 10 дзён — з 15 па 24 верасня. У гэты час можна купіць авіяквіткі са зніжкай да 50% па трох турыстычных маршрутах. Пакуль што ў спіс увайшлі толькі тры кірункі, але ў кампаніі абяцаюць пашырыць яго ў найбліжэйшыя дні.
Цяпер квіткі па акцыйных тарыфах туды і назад прапануюць у наступныя гарады:
- Дэлі (Індыя) — ад 1294 рублёў;
- Урумчы (Кітай) — ад 926 рублёў;
- Санкт-Пецярбург (Расія) — ад 337 рублёў з Мінска, ад 308 рублёў з Брэста, ад 300 рублёў з Гомеля.
Купіць квіткі можна на афіцыйным сайце «Белавія», у касах або праз агентаў. Але ёсць шэраг абмежаванняў:
- зніжка распаўсюджваецца толькі на тарыф, але не на падаткі і зборы;
- дзіцячыя зніжкі да такіх квіткоў не прымяняюцца;
- квіткі па акцыі немагчыма вярнуць ці абмяняць;
- колькасць месцаў па проматарыфах абмежаваная.
Акцыйныя квіткі можна браніраваць толькі ў адзін бок, але дзейнічаюць яны на палёты да 25 кастрычніка.
У кампаніі папярэдзілі, што падчас падобных акцый сайт можа працаваць з перабоямі праз вялікую колькасць ахвотных. Таму пры куплі квіткоў пасажырам раяць быць цярплівымі.
Мінфін ЗША патлумачыў, як з «Белавія» здымуць санкцыі
«Падрабязнасцяў не ведаем». «Белавія» не папярэдзілі, што з кампаніі здымуць санкцыі
Ці змогуць самалёты «Белавія» пасля зняцця санкцый ЗША зноў лётаць у Еўропу?
ЗША здымаюць санкцыі з «Белавіі»
«Белавія» скасавала бясплатную опцыю выбару месца на самалёце
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары