Emanuel i Bryžyt Makrony chočuć pryvieści navukovyja dokazy, što pieršaja łedzi Francyi źjaŭlajecca žančynaj
Makron zajaviŭ, što prahnie adnavić praŭdu.
Prezident Francyi Emanuel Makron i jaho žonka Bryžyt płanujuć pradstavić fatahrafičnyja i navukovyja dokazy ŭ amierykanskim sudzie, kab dakazać, što piervaja łedzi Francyi źjaŭlajecca žančynaj. Pra heta ŭ padkaście BBC raspavioŭ advakat Makronaŭ u hetaj spravie Tom Kłer.
Emanuel i Bryžyt Makrony padali pozvu suprać amierykanskaj ultrapravaj błohierki Kendzis Oŭens, jakaja śćviardžaje, što Bryžyt nasamreč źjaŭlajecca mužčynam.
«Ja nie chaču skazać, što heta niejak vyvieła jaho z raŭnavahi. Ale, jak i luby čałaviek, jaki spałučaje karjeru i siamiejnaje žyćcio, kali vaša siamja padviarhajecca napadam, heta vas źniasilvaje. I jon nie abaronieny ad hetaha tolki tamu, što jon prezident krainy», — skazaŭ advakat.
Kłer skazaŭ, što ŭ sudzie buduć «ekśpiertnyja śviedčańni, jakija buduć mieć navukovy charaktar», i choć na hetym etapie jon nie raskryvaje ich dakładnuju sutnaść, jon adznačyŭ, što siamiejnaja para hatovaja całkam dakazać «jak u ahulnym, tak i ŭ kankretnym sensie», što abvinavačańni źjaŭlajucca chłuślivymi.
«Nievierahodna prykra dumać, što ty pavinien pajści i padvierhnuć siabie hetamu, kab pradstavić takoha rodu dokazy», — skazaŭ advakat.
«Jana (pieršaja łedzi Francyi) ćviorda vyrašyła zrabić usio nieabchodnaje, kab adnavić spraviadlivaść. Kali hetaja niepryjemnaść i dyskamfort, jakija jana adčuvaje, adkryvajučysia takim čynam, źjaŭlajucca nieabchodnymi dla adnaŭleńnia spraviadlivaści i spynieńnia hetaha — jana na 100% hatovaja ŭziać na siabie hety ciažar», — dadaŭ Kłer.
Na pytańnie, ci pradstaviać Makrony fotazdymki Bryžyt, na jakich jana ciažarnaja i vychoŭvaje dziaciej, Kłer adkazaŭ, što takija fatahrafii isnujuć i buduć pradstaŭleny ŭ sudzie.
Oŭens, byłaja kamientatarka kansiervatyŭnaha amierykanskaha vydańnia Daily Wire, jakaja maje miljony padpisčykaŭ u sacsietkach, nieadnarazova vykazvała svaju dumku, što Bryžyt Makron — mužčyna.
U sakaviku 2024 hoda jana zajaviła, što hatovaja pastavić na kartu «usiu svaju prafiesijnuju reputacyju» dziela hetaj zajavy.
U lipieni siamiejnaja para Makronaŭ padała pazoŭ suprać Oŭens u ZŠA. U pazovie śćviardžajecca, što jana «praihnaravała ŭsie vartyja davieru dokazy, jakija abviarhajuć jaje śćviardžeńni, na karyść viadomych kanśpirołahaŭ i dakazanych paklopnikaŭ».
Makron zajaviŭ, što prahnie adnavić praŭdu.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać10
Kamientary