Paśla siońniašniaj sustrečy z prezidentam Ukrainy Uładzimiram Zialenskim prezident ZŠA Donald Tramp vystupiŭ z rezkaj zajavaj u svajoj sacsietcy Truth Social. Paśla jon paŭtaryŭ tyja ž dumki na sustrečy z prezidentam Francyi Emaniuelem Makronam.
«Paśla taho jak ja aznajomiŭsia ź situacyjaj u vajennaj i ekanamičnaj śfierach Ukrainy i Rasii i całkam jaje zrazumieŭ, a taksama ŭbačyŭ ekanamičnyja ciažkaści, jakija jana vyklikaje ŭ Rasii, ja liču, što Ukraina pry padtrymcy Jeŭrapiejskaha Cajuza zdolnaja zmahacca i viarnuć usiu svaju terytoryju ŭ raniejšych miežach.
Z časam, ciarpieńniem i finansavaj padtrymkaj Jeŭropy i, u pryvatnaści, NATA, adnaŭleńnie pieršapačatkovych miežaŭ, ź jakich pačałasia hetaja vajna, całkam mahčymaje. Čamu b i nie?
Rasija ŭžo try z pałovaj hady viadzie biessensoŭnuju vajnu, jakuju sapraŭdy mahutnaja dziaržava mahła b vyjhrać mienš čym za tydzień. Heta nie robić Rasii honaru. Nasamreč, heta chutčej pakazvaje, što jana — «papiarovy tyhr».
Kali žychary Maskvy i ŭsich vialikich haradoŭ, pasiołkaŭ i rajonaŭ pa ŭsioj Rasii daviedajucca, što nasamreč adbyvajecca na hetaj vajnie, zrazumiejuć, što amal niemahčyma dastać bienzin praz doŭhija čerhi, i sutyknucca z usimi inšymi prablemami vajennaj ekanomiki, dzie bolšaja častka srodkaŭ tracicca na baraćbu z Ukrainaj, jakaja maje vialiki duch i tolki macnieje, — Ukraina zmoža viarnuć svaju krainu ŭ raniejšym vyhladzie i, chto viedaje, mahčyma, navat pajści dalej!
Pucin i Rasija pieražyvajuć surjoznyja ekanamičnyja ciažkaści, i ciapier nadyšoŭ čas Ukrainie dziejničać.
U kožnym razie, ja zyču abiedźvium krainam usiaho najlepšaha. My praciahniem pastaŭlać zbroju ŭ NATA, kab NATA rabiła ź joj toje, što ličyć patrebnym. Pośpiechaŭ usim!», — napisaŭ prezident ZŠA.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary