Nasta Kraŭčanka raspaviała, što pakłońniki prypisvajuć joj love story ź pieramožcam «Interbačańnia»
Biełaruska Anastasija Kraŭčanka, jakaja ŭ finale «Interbačańnia» zaniała šostaje miesta, raspaviała «SB», što joj prypisvajuć raman ź pieramožcam konkursu z Vjetnama Dyk Fukam.
U Nasty spytali, pra «asablivy kantakt» ź pieramožcam «Interbačańnia».
— Ja i padumać nie mahła, što našy «adnosiny» zojduć tak daloka. Niejak na pres-kanfierencyi daviedałasia, što videa z konkursu, dzie my z vjetnamskim vykanaŭcam staim pobač, nabirajuć vialikija prahlady ŭ TikTok. Usie dni, pakul była ŭ Maskvie, praktyčna nie zachodziła ŭ sacsietki, a kali narešcie heta zrabiła — ździviłasia. Prychilniki «Interbačańnia» pačali šypieryć mianie ź im, śćviardžajučy: pamiž nami love story.
Jość videa z 300 — 500 tysiačami prahladaŭ, dzie my z Dyk Fukam abdymajem adzin adnaho na scenie, uśmichajemsia, jon mnie padpraviŭ pasmu vałasoŭ. Ale heta prosta simpatyja dvuch tvorčych ludziej! Na praciahu konkursu my stavilisia adzin da adnaho vyklučna pa-siabroŭsku.
Da taho ž, vjetnamski śpiavak — adkryty hiej. Adzin z samych papularnych klipaŭ Dyk Fuka — pra ŭzajemaadnosiny dvuch chłopcaŭ, jany całujucca ŭ kadry. U pastach u instahramie śpiavak rehularna pryznajecca ŭ kachańni da svajho bojfrenda.
Miž tym, Siarhiej Łaŭroŭ abiacaŭ: na «Interbačańni» nie budzie «zvyčajaŭ suprać pryrody», vidavočna majučy na ŭvazie ŁHBTK.
Sama Kraŭčanka chłopca pakul nie maje.
— Sustrakacca dziela taho, kab sustrakacca, nie chaču, a čałavieka, jaki byŭ by pa dušy, pakul nie znajšła. Choć pretendentaŭ na rolu bojfrenda dastatkova. Peŭnaha naboru jakaściaŭ, jakija mnie b chaciełasia bačyć u svaim maładym čałavieku, niama. Adzinaje — jon pavinien być nie nižej za mianie rostam, kab ja mahła nasić abcasy i adčuvać siabie sapraŭdnaj dziaŭčynaj, — kaža jana.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach6
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary