Pieramožcam «Interbačańnia» staŭ pradstaŭnik Vjetnama, biełaruska na šostym miescy
U konkursie «Interbačańnie», stvoranaha Kramlom u adkaz na «Jeŭrabačańnie», pieramoh pradstaŭnik Vjetnama. Rasijski śpiavak Šaman źniaŭsia z hałasavańnia.
Pieramožcam konkursu staŭ pradstaŭnik Vjetnama Dyk Fuk. Jon nabraŭ 422 bały. Druhoje miesca z vynikam 373 bała zaniali pradstaŭniki Kyrhyzstana — trya NOMAD. Na trecim radku z vynikam 369 bałaŭ raźmiaściŭsia Katar i jaho vykanaŭca Dana Al-Mir.
Šostaje miesca z vynikam 341 bał zaniała biełaruska Anastasija Kraŭčanka. U finale jana vykanała pieśniu «Matylok».
Najvyšejšyja acenki Biełarusi dali AAE, Rasija, Uźbiekistan, Kałumbija. Na druhoje miesca Biełaruś pastavili Vjetnam i Sierbija.
Usiaho ŭ konkursie pryniali ŭdzieł pradstaŭniki 23 krain, siarod jakich Kazachstan, Uźbiekistan, Brazilija, ZŠA, AAE, Saudaŭskaja Aravija, Kitaj, Vjetnam, Kienija, PAR i inšyja.
Rasijski z-śpiavak Šaman źniaŭsia z hałasavańnia. «Rasija ŭžo pieramahła, tamu što vy siudy pryjechali», — patłumačyŭ jon i śpieŭ «Ja — ruski».
Amierykanskuju śpiavačku Vassy (Vasiliki Karahiorhas), jakaja padtrymlivaje ŁHBT, u apošni momant źniali z rasijskaha konkursa «Interbačańnie».
Pieramožcu konkursu paśla vystupleńniaŭ vyznačyła šlacham hałasavańnia mižnarodnaje žury, jakoje składajecca z muzyčnych ekśpiertaŭ ad kožnaj z krain-udzielnic.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca8
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary