Łukašenku na ruku, što Ukraina bje pa rasijskich NPZ? Što heta pryniasie Biełarusi
Na zakrytaj naradzie ŭ Łukašenki abmiarkoŭvałasia pytańnie vytvorčaści paliva dla Rasii. Spytali ŭ ekśpierta, nakolki mahutnaści dvuch biełaruskich NPZ mohuć zadavolić popyt Rasii i kolki na hetym moža zarabić Biełaruś — abo kašalki adnoj siamji.
Na fonie atak Ukrainy na rasijskuju naftapierapracoŭčuju infrastrukturu ŭ Biełarusi abmiarkoŭvajecca pytańnie rezkaha pavieličeńnia abjomaŭ pierapracoŭki nafty.
Pa słovach ekśpierta BEROC Źmitra Kruka, u biełaruskich NPZ jość dastatkova vialiki patencyjał dla pavieličeńnia abjomaŭ naftapierapracoŭki.
«Pa ŭskosnych danych za 2024 hod, u Biełarusi pierapracavali kala 15‑16 miljonaŭ ton nafty. Heta aznačaje, što zahruzka biełaruskich NPZ letaś składała kala 65-70%.
U pieršym paŭhodździ 2025 hoda abjomy pierapracoŭki skaracilisia jašče pryblizna na 10%, tamu pry zachavańni tych ža abjomaŭ hadavyja pakazčyki byli b kala 14-14,5 miljona ton», — kaža Kruk.
Z hetaha vynikaje, što prynamsi da niadaŭniaha času mahutnaści našych NPZ byli zadziejničany ŭsiaho na 55-65%.
U najlepšyja časy hadavyja abjomy naftapierapracoŭki byli ŭ rajonie 18‑19 miljonaŭ ton u hod.
«Ahułam ža maksimalny abjom nafty, jaki biełaruskija NPZ mohuć pierapracoŭvać, — heta 21,5‑22 miljony ton, kali kazać pra 100% zahružanaść. Ale 100% zahružanaść nie vyhadnaja z technałahičnaha punktu hledžańnia, tamu i ŭ časy, kali nie było sankcyj, zavod pracavaŭ z zahružanaściu maksimum na 85-90%, što ličycca aptymalnym dla luboha typu vytvorčaści», — tłumačyć ekśpiert.
Unutrany rynak Biełarusi składaje 6 miljonaŭ ton na hod. A rynak Rasii — 155 miljonaŭ ton, tamu całkam zamianić rasijskija NPZ biełaruskija zavody nie zmohuć.
«Z tych danych, što jość, my bačym, što Biełarusi ŭdajecca realizoŭvać svaje naftapradukty na ekspart pa cenach, blizkich da rynačnych. U vypadku z pastaŭkami ŭ Rasiju maržynalnaść mienšaja, tamu biełaruskija NPZ buduć zacikaŭlenyja mienavita ŭ eksparcie ŭ Rasiju dadatkovych abjomaŭ vytvorčaści, a nie na poŭnaje pieranakiravańnie ŭsiaho ekspartu ŭ Rasiju», — tłumačyć ekanamist.
Pry hetym, na jaho dumku, situacyja ŭ Rasii pakul nie nastolki krytyčnaja, kab prymušać Biełaruś admovicca ad ekspartu naftapraduktaŭ u inšyja krainy i pieranakiroŭvać ich u Rasiju.
«Biezumoŭna, dla biełaruskaj ekanomiki budzie vyhadna naraścić abjomy naftapierapracoŭki da abjomaŭ, jakija byli da sankcyj i vajny, ale rasijski rynak mienš maržynalny ŭ paraŭnańni ź inšymi», — adznačaje Źmicier Kruk.
Ekanamist kaža, što dakładna vyznačyć krainy, u jakija ciapier pastaŭlajucca naftapradukty ź Biełarusi, niemahčyma, ale ličby ŭkazvajuć na toje, što ich udajecca pradavać pa bolš vyhadnych cenach, čym heta možna rabić, pastaŭlajučy ich u Rasiju. Navat z ulikam taho, što ceny ŭ Rasii taksama vyraśli.
Adnak Kruk ličyć, što aproč vyhady dla ekanomiki ŭ cełym, Łukašenka ŭ hetaj situacyi vyjhraje i ŭ palityčnym płanie.
«U Łukašenki źjavicca mahčymaść paśla kazać pra toje, što voś my vas tut vyratavali ŭ ciažki pieryjad. Tamu ciapier davajcie źniźcie nam taryfy na čyhunačnyja pieravozki, palepšycie nam umovy pracy ŭ partach, kab my vam pastaŭlali tyja naftapradukty. Možna navat kazać, što niby ŭ straty, choć na spravie nijakich strat nie było. To-bok hetuju situacyju možna ŭ budučyni kanviertavać u niejkija ekanamičnyja vyhody», — ličyć Kruk.
Taksama, na dumku ekanamista, na hetym fonie možna vytarhavać palapšeńnie ŭmoŭ na ŭvachodnuju naftu — prasić dadatkovuju źnižku i śpiecyjalnyja ŭmovy.
Ciapier čytajuć
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?14
Kamientary
Pri vozmožnosti sorvať kuš na ličnyje sčieta, sieḿja možiet potieriať kuricu niesuŝuju zołotyje jajca.
Iźvinitie, pri słoživšiejsia v RB sistiemie vłasti i sistiemie hosupravlenija, nievozmožno hovoriť o Narodie Biełarusi, tolko o mafioznoj hruppirovkie łukašienok, siłoj zachvativšiej i siłoj udierživajuŝiej vłasť v Biełarusi.