Nočču z suboty na niadzielu nad Vilenskim aeraportam była ŭviedziena zabarona na paloty paśla taho, jak byli zaŭvažany pavietranyja šary, piša LRT.
Pavodle Nacyjanalnaha centra kiravańnia kryzisami, abjekty byli zaŭvažany ŭ rajonie Biełaha Voka, na paŭdniovy ŭschod ad Vilni. A 2‑j hadzinie nočy Centr paviedamiŭ, što ŭ bok aeraporta ruchalisia 13 kantrabandnych šaroŭ. Ź mierkavańniaŭ biaśpieki było pryniata rašeńnie časova zakryć pavietranuju prastoru, pakolki šary mahli pieraškodzić uźlotam i pasadkam samalotaŭ.
Pieršapačatkova płanavałasia, što abmiežavańni buduć dziejničać da 2:45, ale paźniej było abvieščana pra ich padaŭžeńnie da 4:30.
U hety pieryjad rejsy, što pavinny byli prybyć u Vilniu, byli pieranakiravany ŭ inšyja harady — pieravažna ŭ Koŭna i Ryhu. Adzin z rejsaŭ z Turcyi byŭ nakiravany ŭ polski Hdańsk.
Heta nie pieršy vypadak pierapynieńnia pracy aeraporta z-za padazronych abjektaŭ. U vieraśni i žniŭni taksama fiksavalisia parušeńni pracy aeraporta praz drony.
Ciapier čytajuć
Jak u Biełarusi vyšukvajuć «darmajedaŭ» i što ad ich chočuć4
Kamientary