Sinoptyk Dźmitryj Rabaŭ u efiry kanała ANT raskazaŭ, jakim budzie nadvorje ŭ Biełarusi na nastupnym tydni, u pieryjad z 6 pa 12 kastryčnika.
Pavodle jaho prahnozaŭ, na hetym tydni nadvorje buduć vyznačać atłantyčnyja cykłony i ich franty. Heta pryniasie bolš vobłačnaści i daždžoŭ, choć tempieraturny fon zastaniecca na 1—2 hradusy vyšejšym za siarednija doŭhaterminovyja normy.
U pačatku tydnia čakajecca vobłačnaje nadvorje z prajaśnieńniami, mahčymyja karotkačasovyja daždžy i tuman unačy ci zranku. U paniadziełak, 6 kastryčnika, unačy budzie ad +4 da +9, udzień — kala +13. U aŭtorak, 7 kastryčnika, pavietra prahrejecca da +14.
U sieradu, 8 kastryčnika, na zachadzie krainy nadvorje budzie vyznačać atmaśfierny front: mahčymyja daždžy. Unačy — ad +4 da +9, udzień — +12…+15.
U čaćvier, 9 kastryčnika, čakajecca vobłačnaje nadvorje z karotkimi daždžami. Tempieratura nočču +4…+7, udzień — da +14. U piatnicu budzie +9…+12.
Na vychadnych umovy nadvorja budzie farmiravać cykłon z Bałtyjskaha mora. Znoŭ ža mahčymaja vobłačnaść, drobnyja daždžy i zachodni viecier. U subotu, 11 kastryčnika, nočču +3…+8, udzień +8…+14. U niadzielu, 12 kastryčnika, na ŭschodzie krainy budzie kala +7, a na zachadzie — da +16 hradusaŭ.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES35
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary