Paranienyja 30 čałaviek.
Prykładna 30 čałaviek paranienyja pry abstrele ciahnika ŭ Sumskaj vobłaści.
Pra ataku zajaviŭ kiraŭnik abłasnoj administracyi Aleh Hryharaŭ. Pavodle jaho słoŭ, pad udar trapiŭ ciahnik, jaki kursiruje maršrutam Šostka — Kijeŭ.
Dakładnaja kolkaść paciarpiełych udakładniajecca, adznačyŭ jon, adnak «Suśpilnie», spasyłajučysia na v. a. staršyni Šostkinskaj rajonnaj administracyi Aksanu Tarasiuk, śćviardžaje, što ich «prykładna 30».
Udar prakamientavaŭ u svaim telehram-kanale Uładzimir Zialenski.
«Žorstki rasijski ŭdar bieśpiłotnikam pa čyhunačnym vakzale ŭ Šostcy Sumskaj vobłaści. Usie nieabchodnyja słužby ŭžo na miescy i pačali akazvać dapamohu ludziam. Udakładniajecca ŭsia infarmacyja adnosna paciarpiełych. Na hety momant užo viadoma pra dziasiatki paciarpiełych ludziej. Papiarednie na miescy ŭdaru byli i pracaŭniki «Ukrzaliźnici», i pasažyry», — adznačyŭ jon
«Rasijanie nie mahli nie viedać, što bjuć pa cyvilnych. I heta teror, jaki śviet nie maje prava ihnaravać. Kožny dzień Rasija zabivaje žyćci ludziej. I tolki siła moža prymusić ich heta spynić. My čuli rašučyja zajavy ad Jeŭropy i Amieryki, i ŭžo daŭno para ich uvieści ŭ realnaść. Sumiesna, razam z usimi, chto nie ličyć, što zabojstvy i teror — heta narmalna. Razmoŭ ciapier niedastatkova. Patrebnyja mocnyja dziejańni», — reziumavaŭ prezident Ukrainy.
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem7
Kamientary