Kitajec usiaho hod vučyŭ biełaruskuju movu i ŭžo vystupiŭ na Mižnarodnym kanhresie biełarusistaŭ. Pasłuchajcie, jak jon havoryć
25—27 vieraśnia ŭ Bierlinie adbyŭsia XII Mižnarodny kanhres biełarusistaŭ. Jaho ŭdzielnikam byŭ kitajski daśledčyk Van Čžyŭań, siarod intaresaŭ jakoha i biełaruskija dyjalekty.
Na svajoj staroncy ŭ Facebook Van Čžyŭań raskazaŭ pra kanhres. Pavodle jaho słoŭ, arhanizatary zabaranili fota– i videazdymki padčas vystupaŭ, tamu zdymkaŭ z samoha mierapryjemstva niama. Ale chłopiec vykłaŭ frahmient chatniaj repietycyi, dzie havoryć pa-biełarusku.
«Ščyra kažučy, maja biełaruskaja pakul što vielmi ścipłaja: ja vučyŭ movu tolki hod, dy i apošni raz zajmaŭsia joju dva hady tamu», — napisaŭ jon.
Van Čžyŭań paviedamiŭ, što žyvie ŭ Miunchienie i piša doktarskuju dysiertacyju pa słavistycy.
Biełaruskuju movu jon pačaŭ vyvučać padčas dvuch siemiestraŭ kursaŭ u Varšavie i Krakavie. Mienavita tady ŭ jaho źjaviłasia asablivaja cikavaść da biełaruskaj movy i kultury.
«Ale hety kanhres staŭ dla mianie sapraŭdy kaštoŭnym vopytam, i ja budu praciahvać pracavać nad saboj, kab u budučyni vystupać jašče lepš», — napisaŭ jon.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary