Sprava lifciora. Stali viadomyja novyja padrabiaznaści spravy mańjaka z Mahilova
Dniami milicyja abjaviła pra raskryćcio hučnaj spravy: zatrymali mańjaka z 90-ch, jaki zabiŭ 8 dziaŭčynak i maładych žančyn. Dziaržaŭny kanał ANT dadaŭ detalaŭ.
53‑hadovy žychar Mahilova Juryj Dziamjanaŭ, pa źviestkach śledstva, ździejśniŭ 8 zabojstvaŭ i 2 zamachi na zabojstva, spałučanych sa zhvałtavańniami. Ad jaho ruk zahinuli 8 biełarusak va ŭzroście ad 12 da 20 hadoŭ. Jon napadaŭ na achviar u Mahilovie, Viciebsku, Oršy i Žodzinie.
U siužecie pakazali kadry zatrymańnia Dziamjanava — jon jechaŭ pa horadzie na rovary.
Uvieś hety čas jon pracavaŭ na «Mahiloŭliftmaš». Žyŭ adzin. Doma ŭ jaho znajšli šmat dziciačych i žanočych rečaŭ, a da ściany byŭ prymacavany noŭtbuk, na jakim bieśpierapynna tranśliravałasia parnahrafija.
Pieršaje zabojstva kryvavaj sieryi adbyłosia ŭ Mahilovie ŭ dzievianosta šostym hodzie. Siamnaccacihadovaja dziaŭčynka nie dajšła dadomu. Jaje zadušyli na leśvičnaj placoŭcy jaje ž šalikam, adnieśli na dach dzieviacipaviarchovika, raspranuli i zhvałcili.
Orša, dzievianosta siomy hod. Dziaŭčynka, jakoj było ŭsiaho 12, viartałasia sa škoły, što ŭ susiednim dvary. Pavodle śledstva, Dziamjanaŭ zadušyŭ jaje ŭ padjeździe, zhvałciŭ, kinuŭ cieła kala śmiećciepravoda i syšoŭ.
Mańjak zaŭsiody dziejničaŭ u šmatpaviarchovikach i napadaŭ udzień, kali ŭ škołach pierapynak. Vysočvaŭ chudzieńkich dziaŭčynak, jakija nie ŭ stanie byli dać adpor, i išoŭ za imi da samaha doma.
Adno z zabojstvaŭ adbyłosia ŭ Barysavie. Mańjak zajšoŭ razam z achviaraj u padjezd, a zatym i ŭ lift. U lifcie jon dastaŭ nož i pačaŭ pahražać. Piatnaccacihadovaja dziaŭčynka zapanikavała i pačała supraciŭlacca. Złačynca vyciahnuŭ achviaru na bałkon na siomym paviersie i pierarezaŭ joj horła.
Skryvaŭlenuju dziaŭčynku jon pryciahnuŭ na leśvičny marš i źbiraŭsia zhvałcić. Ale ŭ hety momant jon pačuŭ huk — chtości spuskaŭsia źvierchu. Heta byŭ mužčyna, jaki žyŭ u hetym domie. Jon ubačyŭ dziaŭčynku, usio było ŭ kryvi. Kala lifta jon sustreŭ mańjaka, ale padumaŭ, što heta taki ž śviedka. Jon paprasiŭ złačyncu papilnavać dziaŭčynku, a sam pabieh dadomu vyklikać milicyju. Ale ŭ hety čas mańjak zajšoŭ u lift i ŭciok.
Pakazańni śviedak i fotarobaty razychodzilisia. Ekśpiertyzu pa bijałahičnych śladach, pakinutych na achviarach, tady pravodzili ŭ Hiermanii, ale jana pakazała tolki častku hienomu, i hetaha było niedastatkova.
U videa pakazali kadry dopytu Dziamjanava.
Śledčy: Jakija złačynstvy i zabojstvy vy jašče ździajśniali?
Zatrymany: Tak… dva. Zadušyŭ…
Jon zadušyŭ jašče adnu dziaŭčynu z Oršy, jakaja zaharała na dachu šmatpaviarchovika. Nakinuŭ na šyju kupalnik, ale hvałcić nie staŭ.
Takim ža sposabam Dziamjanaŭ zabiŭ piatnaccacihadovuju dziaŭčynku z Mahilova. Vysačyŭ u dvarach, zajšoŭ za joj u lift i vyciahnuŭ na siomym paviersie. Potym pavaliŭ i zaciahnuŭ na šyi biusthaltar. Cieła panios na dach, raspranuŭ i pačaŭ hvałcić.
Mańjak chaładnakroŭna ŭznaŭlaje ŭsie detali ździeku nad užo miortvym ciełam.
Pra piatuju achviaru ŭ siužecie raskazvaje jaje maci. Dačku Inhi zabili ŭ červieni 1998 hoda ŭ Viciebsku. Alaksandry Piatkievič było 15 hadoŭ.
«Praź niekalki miesiacaŭ tak ža žorstka była zabitaja jašče adna dziaŭčynka pry padobnych abstavinach i padobnaha ŭzrostu. Horad znachodziŭsia ŭ zdranćvieńni», — uspaminaje Inha.
Apošniaje zabojstva ŭ Žodzinie vyłučajecca asablivaj žorstkaściu. Dvanaccacihadovuju dziaŭčynku Dziamjanaŭ zabiŭ prosta ŭ kvatery. Zajšoŭ za joj u padjezd, ubačyŭ, što lift nie vyklikany, i pačaŭ łamicca ŭ dźviery na pieršym paviersie. Adna ź ich adkryłasia. Małaja była doma adna.
«Dastaŭ z kišeni nož, uvatknuŭ voś siudy ŭ šyju i pierarezaŭ sonnuju arteryju źnizu ŭvierch. [Hukavy sihnał cenzury] masturbavaŭ… i bajaŭsia znachodzicca ŭ kvatery, što chtości pryjdzie. Mnie zdavałasia, što chtości pryjdzie, i ja syšoŭ. A dziaŭčynu pakinuŭ… nakryŭ jaje koŭdraj i pakinuŭ», — raskazvaje zatrymany na śledčym ekśpierymiencie.
Na žyvacie zabitaj dziaŭčynki jon vyrazaŭ kryž, a jašče sprabavaŭ adrezać hrudzi, kab, jak paźniej tłumačyŭ na dopycie, pasprabavać na smak.
Mańjaka znajšli dziakujučy raźvićciu technałohij. Hod tamu ŭ kožnaj vobłaści stvaryli rabočyja hrupy pa raskryćci złačynstvaŭ minułych hadoŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary
I, kali łaska, nakirujcie svaje pažadańni zdaroŭja i pryvitańni spadaru, zhadanamu ŭ hetym artykule, [Red. Vydalena]
[Zredahavana]
Pra heta? Niechta pa filmu prydumaŭ i pabudavaŭ svaju viersiju ("ia tak ponimaju"), Vy jaje vydajacie ŭžo jak fakt ("kto-to był" biez "ia tak ponimaju").
Voś tak i naradžajucca plotki.
Pry hetym u filmie kažuć pra dziciačyja i žanočyja rečy, ale nie kažuć, što heta tyja samyja rečy achviar.
P.S. Paradoks sučasnaha žyćcia RB u tym, što repartaž viadzie Andrej Alaksandraŭ - pamahaty karnikaŭ. Pra jaho jość artykuł na NN. Mańjaka vykryvaje čałaviek, jaki sam maje sumnieŭnyja maralnyja jakaści.
I dvuchsensoŭna hučyć fraza dyktara pry kancy filma "Poślednij mańjak Biełarusi priedstaniet pieried sudom". Hałoŭny i apošni mańjak jašče na svabodzie i kiruje vami.