Dyrektaru EPAM sabrali pałovu sumy na lačeńnie žonki ad raku. Ale treba jašče
Jak raniej pisałasia, u žonki adnaho z dyrektaraŭ EPAM Andreja Šubadziorava ŭ studzieni minułaha hoda vyjavili rak kišečnika. Taćciana prajšła niaprostaje lačeńnie — i spačatku chvaroba adstupiła. Ale, na žal, novy ček-ap u červieni pakazaŭ recydyŭ, nahadvaje Devby.io.
Andrej źviarnuŭsia da ludziej — i jany adhuknulisia.
— Dla nas z Taniaj heta byŭ novy dośvied — voś tak adkryta ŭ prastoru zajavić pra toje, što nam patrebna dapamoha, — kaža Šubadzioraŭ. — Pryčyna tamu stała toje, što ŭ nas zusim nie było času na pryniaćci rašeńniaŭ: daktary patrabavali pačać lačeńnie nie paźniej, čym praź dziesiać dzion paśla taho, jak pryjšli vyniki abśledavańnia.
Andrej nie chavaje svajho ździŭleńnia i zachapleńnia: na jaho prośbu pra dapamohu adhuknułasia nievierahodnaja kolkaść ludziej.
— Heta byli maje kalehi, znajomyja, prosta biełarusy, jakija nikoli nie viedali Taniu. Viadoma, Taniny siabry i znajomyja pieraličvali hrošy prama. Ździŭlała toje, što byli davoli vialikija sumy.
Heta padtrymka adnaznačna nadała siły Tani i mnie. Bieź jaje my naŭrad ci zmahli b pačać lačeńnie.
Andrej kaža, što vielmi ŭdziačny kaleham z Wargaming i EPAM — dziakujučy im i ŭsim nieabyjakavym biełarusam na płatformie ŭdałosia sabrać bolš za 30 tysiač jeŭra. Z ulikam tych hrošaj, jakija prychodzili taksama na rachunki samoha Andreja i Taćciany, — nabrałasia krychu bolš pałovy sumy, jakaja patrebna Šubadzioravym.
— Zaraz Tania prachodzić chimiju– i imunaterapiju manakłanalnymi antyciełami — hetych srodkaŭ jakraz chopić, kab zakončyć pieršy etap.
Što spatrebicca zrabić na druhim etapie, budzie zrazumieła paśla abśledavańnia, jakoje zapłanavana na kaniec kastryčnika — «i tady buduć patrebnyja srodki na pramianiovuju terapiju», — kaža Andrej.
— My biaźmierna ŭdziačnyja ŭsim ludziam, jakija padtrymać nas i maralna, i materyjalna — heta nastolki vysoki ŭzrovień empatyi i davieru, jakoha my raniej nie sustrakali, — adznačaje surazmoŭca.
— Tania, viadoma, vielmi stamiłasia fizična, jana vymatanaja emacyjna, bo ŭ lačeńnia surjoznyja «pabočki», jano litaralna razburaje jaje cieła, skuru… Ale viera ŭ ludziej i ŭ svajo vyzdaraŭleńnie adnaznačna dadaje joj stanoŭčych emocyj i doryć nadzieju na dobry vynik.
Navat nievialikaja suma zhulaje vielizarnuju rolu dla Andreja i Taćciany. Dapamahčy možna, dałučyŭšysia da zboru pa spasyłcy abo pieravodam na kartu.
Rekvizity dla pieravodu
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary