U Ispanii padčas pieravozki na vystavu tajamniča źnikła karcina Pabła Pikasa
U Ispanii tajamniča źnikła karcina Pabła Pikasa «Naciurmort z hitaraj» (1921), jakaja pieravoziłasia z Madryda ŭ Hranadu dla vystavy ŭ fondzie CajaGranada. Palicyja razhladaje jak mahčymaść vypadkovaha hublańnia, tak i naŭmysnaha kradziažu, paviedamlaje Euronews.
Karcina pavinna była stać častkaj vystavy «Naciurmort. Viečnaść niežyvoha», jakaja adkryłasia 8 kastryčnika. Adnak maleńkaja rabota pamieram 12,7 × 9,8 sm nie dajšła da miesca pryznačeńnia.
Pa fakcie źniknieńnia fond padaŭ zajavu 10 kastryčnika, rasśledavańnie viadzie śpiecyjalnaja bryhada pa achovie histaryčnaj spadčyny Nacyjanalnaj palicyi. Na hety momant karcina nie znojdziena, a aryštaŭ nie było.
Karcinu pieravoziła kampanija, jakaja śpiecyjalizujecca na transpartavańni mastackich tvoraŭ. Jana była zakrytaja na składzie 25 vieraśnia razam ź inšymi karcinami dla sumiesnaj dastaŭki ŭ Hranadu. Pajezdka pačałasia 2 kastryčnika, a 3 kastryčnika raboty dastavili ŭ Kulturny centr Hranady. Padčas padarožža karciny na noč znachodzilisia ŭ municypalitecie Dejfontes — hety momant źjaŭlajecca klučavym dla rasśledavańnia.
Prablema ŭźnikła z-za taho, što ŭpakoŭka nie była naležnym čynam pranumaravanaja, tamu padčas raspakoŭki 6 kastryčnika kuratarka Maryja Taral i kiraŭnik vystavy zaŭvažyli, što raboty Pikasa niama. Kamiery videanazirańnia za vychadnyja nie zafiksavali nijakich padazronych dziejańniaŭ.
Vystava, na jakoj pradstaŭlenyja 58 tvoraŭ z pryvatnych kalekcyj takich mastakoŭ, jak Chuan Hrys, Rene Mahryt i Rafael Sabaleta, budzie adkrytaja da 11 studzienia.
U domie Džeka Nikałsana zaŭvažyli karcinu, padobnuju da «Jevy» Sucina. Što za jana?
Muziej viarnuŭ karcinu Šahała ŭładalnikam praz 70 hadoŭ. I atrymaŭ $4 miljony kampiensacyi
Italija raskryła ahulnajeŭrapiejskuju sietku pa vyrabie i prodažy padroblenych tvoraŭ mastactva
U Bielhii ŭ padvale znajšli skradzienuju karcinu Marka Šahała
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Nazoŭny: Pabła Pikasa
https://be.wikipedia.org/wiki/%D0%9F%D0%B0%D0%B1%D0%BB%D0%B0_%D0%9F%D1%96%D0%BA%D0%B0%D1%81%D0%B0
Pačytaŭ paru abzacaŭ.. bolej nie zmoh :
...
Zasnavalnik kubizma
rodapačynalnikam kubizma
meta kubizma --- 3 RASIEJSKIJA Rodny skłony
Jaho žyćcio ŭ hety čas spałučanaja --- spałučanaJe
tam jon uvachodzić u hramadu --- dałučajecca da hramady
jaki asprečvaŭ tradycyi naturalizma -- 4-ty RASIEJSKI Rodny skłon
…
CHTO aŭtar hetaha artykuła? Nie vy ? )