Hramadstva1616

«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka

Adny ličać, što prablema z čerhami praz amataraŭ kavy na zapraŭkach nadumanaja. Inšyja ž vystupajuć za strohi paradak. «Učora pryjechała paračka i paralizavała svaimi chot-dohami kasu».

Skrynšot videa ŭ tyktoku

Maštaby prodažu kavy na AZS uražvajuć. Namieśnik hiendyrektara kampanii «Biełarusnafta» Siarhiej Kamornikaŭ raskazvaŭ, što na ich zapraŭkach za hod realizoŭvajecca 16‑17 miljonaŭ kubkaŭ kavy: «Siońnia pradpryjemstva absmažvaje bolš za 25 ton kavavaha zbožža za miesiac. Vytvorčyja mahutnaści dazvalajuć pavialičyć abjomy ŭdvaja».

Kamornikaŭ padkreślivaŭ, što amal što samy zapatrabavany pradukt na AZS (akramia bienzinu) — heta kava.

Ale praz amataraŭ kavy i chot-dohaŭ kanfliktnyja situacyi na zapraŭkach sapraŭdy zdaralisia. Naprykład, u vieraśni adzin kiroŭca la Barysava aburaŭsia, što praz aŭtobus turystaŭ praca AZS była paralizavanaja:

— Usie voś hetyja mašyny stajać i nie zapraŭlajucca, bo hałodnym robiać chot-dohi, piražki, čabureki, kavu. I my ŭsie staim i čakajem, kali ž paciače salaračka. Kali ŭžo pačnuć rabić asobnyja kasy na bułki i asobnyja kasy na paliva?

@ybegaev_ #biełoruśniefť #zapravka #očieried́ #borisov #voditiel ♬ orihinalnyj zvuk - Ybegaev_

Žančyna, padpisanaja ŭ tyktoku jak Scorpiov2, rehularna publikavała videa z zapravak «Biełarusnafty» i pytałasia, što heta — AZS ci kafe? Najbolš papularny z rolikaŭ nabraŭ miljon prahladaŭ.

— Niama sił! Voś zaraz skandaliła. Heta nie mahčyma — kab zapłacić za bienzin ja pavinna stajać 15‑20 chvilin. Pry tym, što ja stajała pieršaja. A try kasiry-pradaŭcy rabili sendvičy dy chot-dohi. Za mnoj sabrałasia čałaviek 6. Na maju prośbu vyrašyć pytańnie, supracoŭnica adkazała: «Ja vykonvaju biznes-pracesy».

@scorpiov28 #scorpiov2#biełaruśniefť@Belorusneft_official #zapravkibiełaruś#zapravkabiełaruśniefť#zapravkirb ♬ orihinalnyj zvuk - Scorpiov2

Błohierka, darečy, užo zrabiła spravazdaču:

— Čerhaŭ takich niama, na samoj zapraŭcy niekalki pradaŭcoŭ. Narešcie niechta robić kavu i ježu, a niechta adpraŭlaje paliva.

@scorpiov28 #scorpiov2#zapravkabiełaruśniefť #biełaruśniefť #zapravkibiełarusi #belarus ♬ orihinalnyj zvuk - Scorpiov2

Za žorstki paradak na zapraŭkach vystupiŭ i servis «Śliŭki.baj». Ich zvarot da biełarusaŭ vyhladaje davoli nachabna:

— Nu što, spadary amatary zapravačnaj kavy da sasisak, dahulalisia?!

Pasył ich tyktokiera taki: sami nie chacieli vučycca pravilna pić kavu na zapraŭkach — niachaj ciapier vas milicyja vučyć hetamu. Mužčyna dadaje, što ŭžo na nastupny dzień paśla narady ŭ Łukašenki ludzi na AZS pačali spačatku zapraŭlacca, a ŭžo potym iści pa kavu.

@slivkiby

♬ orihinalnyj zvuk - Slivkiby

Jašče adzin mužčyna, Rusłan, padzialiŭsia ŭ tyktoku svaim bačańniem situacyi (jon paličyŭ, što kavu i ježu całkam zabaroniać na AZS):

— Što tyčycca kavy — kryŭdna, bo ja časta karystajusia hetaj pasłuhaj. Ale ź inšaha boku — u mianie zaŭsiody z saboj termasok, kavu ja mahu zavaryć doma. Što tyčycca chot-dohaŭ — supier, što ich ubirajuć, bo heta niekarysnaja ježa.

Plus heta taja reč, jakaja stvaraje čerhi na zapraŭkach: kidajuć mašynu ź pistaletam u baku, iduć zamaŭlać šalonuju kolkaść chot-dohaŭ. Jość ludzi, jakija navat pačynajuć ich tam jeści — bo ŭ mašynie ž niazručna, možna nakryšyć.

@ruslannovik76 #riek #vriek ♬ orihinalnyj zvuk - ruslannovik76

Maryja zapisała zaklik pakinuć usio ž kavu i ježu na AZS:

— Razumiejecie, z-za niejkich daŭbanutych ludziej, jakija pakidajuć mašynu kala kałonki i iduć pjuć sabie cichieńka kavu, nie pierahaniajuć mašynu na stajanku, chočuć prybrać kavu na AZS. Ja lublu kavu na zapraŭcy. Ja navat kali pracuju na chutkaj — mašynu ž treba zapraŭlać — my abaviazkova biarom kavu na zapraŭcy. Jana tam takaja smačnaja! I kali prybiaruć, mnie heta nie spadabajecca.

Žančyna pahadžajecca z tym, što zajmacca kavaj dy chot-dohami pavinien asobny supracoŭnik AZS, a nie kasir.

— To ludzi spačatku prosiać dać kavu na zapraŭkach, to ciapier im nie padabajecca — niechta adzin viaknuŭ i ŭsio. Heta ž usio vy robicie — usie niazručnaści vy sami sabie stvarajecie.

@maria_spiridonova #kofienazapravkie #kofie #azs ♬ orihinalnyj zvuk - Marija Śpiridonova

Tym časam źjaviŭsia i raspovied, što ŭ Polščy ŭsio jašče horš.

— Pakul biełarusy skardziacca, što kavu doŭha robiać na AZS, my ŭ Polščy ŭžo staim 30 chvilin i čakajem 2 kavy, — kaža Alaksandr.

@alyksandr_f

♬ orihinalnyj zvuk - Aleksandr Furs

Niechta z dapamohaj štučnaha intelektu zrabiŭ rolik, u jakim supracoŭnicy «Biełarusnafty» byccam by abmiarkoŭvajuć rezanansnuju zajavu Łukašenki:

— Słuchaj, ja nie zrazumieła: Natalla Ivanaŭna i Turčyn padjechali zapravicca i pajšli pić kavu, a ich mašyna kahości zabłakiravała? Ci jany sami nie zmahli zapravicca, bo niechta piŭ kavu?

@voditelavtobusa112

ZAPRAVILIŚ? NIE ZABUD́TIE OTOHNAŤ MAŠINU I ZAJTI PIERIEKUSIŤ! prijatnoho appietita! Šutočnoje vidieo sozdannoje iskusstviennym intiellektom

♬ orihinalnyj zvuk - Voditiel avtobusa

Adzin z mužčyn u tyktoku pažartavaŭ, što vykonvaje śpieczadańnie pa destabilizacyi abstanoŭki na AZS:

— Minus 5 rubloŭ, plus amierykana, čarha na zapraŭcy, vajb.

@onepunchcatv Vypołniaju śpieczadanije po diestabilizacii obstanovki na AZS. Kod opieracii — «Amierikano» #vajb #kofie #coffee #vibe ♬ original sound - mell

U sacsietcy Threads taksama aktyŭna abmiarkoŭvajuć zmahańnie z kavaj na AZS.

Adnyja ščyra ličać, što prablema vysmaktana z palca: «Ja zapraŭlajusia ŭžo hadoŭ 20 u siarednim raz na dva tydni, ja z takoj situacyjaj sutykaŭsia ŭsiaho paru razoŭ. Moža ja nie na tyja AZS jezdžu?», «Chtości radujecca, chtości aburajecca, što dziaržaŭnyja orhany ŭzialisia za naviadzieńnie paradku na AZS. Ale adnaho nie mahu zrazumieć: jak časta treba zajazdžać na zapraŭku, kab razdražniali čerhi na kasie abo kałoncy? Nie sprabavali zapraŭlacca radziej, ale na sumu bolš za 20 rubloŭ?».

Z takim mierkavańniem pahadžajucca nie ŭsie: «Pamiataju jak uletku spaźniałasia ŭ inšy horad. Zajechała na zapraŭku pa hrodzienskaj trasie. Pierada mnoj na kałoncy 2‑3 mašyny, na susiednich prykładna stolki ž. 40 chvilin ja čakała, kali da mianie dojdzie čarha, i paralelna nazirała, jak ludzi vychodziać z kavaj i chot-dohami i sadziacca ŭ mašyny la kałonki. Na minskich AZS z takimi situacyjami nie sutykałasia, ale na trasach uletku byvaje».

Niechta ličyć, što vypadki, kali čałaviek sapraŭdy nie adhaniaje aŭtamabil ad kałonki, byvajuć raz na tysiaču. A značna čaściej adbyvajecca inšaje: «Staiš u čarzie za palivam, a pierad taboj spačatku hałodny nie moža vyznačycca, jamu ź jałavičnaj sasiskaj ci z kurynaj, a potym jašče kasir idzie hatavać jamu chot-doh. Voś heta sapraŭdy žach».

Samyja radykalnyja zaklikajuć uvohule prybrać z zapravak kavu i ježu: «Łukašenka, viadoma, usio pravilna skazaŭ. Na AZS tavary, biezumoŭna, patrebny, ale nie tyja, što nieabchodna hatavać. Chacia navar tam z kubka kavy bolšy, čym z 10 litraŭ paliva, kali što. Chot-dohi, kava, stoliki da čortavaj maci — treba prybirać hetyja stałoŭki z AZS i vykarystoŭvać zapraŭki pa pramym pryznačeńni», «Vykarystoŭvać AZS pa pramym pryznačeńni. Učora pryjechała paračka i paralizavała svaimi chot-dohami kasu. Prykoł u tym, što jany ŭvohule nie zapraŭlalisia».

Zrazumieła, takija prapanovy vyklikajuć chvali abureńnia:

«Hłupstva. Biełaruskija zapraŭki — adzin ź niamnohich jakasnych servisaŭ u hetaj krainie. A tut znoŭ dumajuć ab tym, jak niešta prybrać, a nie palepšyć. Dadajcie supracoŭnika na zonu charčavańnia, padzialicie zony kafe i apłaty za paliva. Nie, davajcie lepš prybiarom ježu! «Tabakierki» svaje prybiarycie z prypynkaŭ — pakurycie i paješcie doma, a nie dymicie nada mnoju!»,

«Nie baču ničoha drennaha ŭ tym, što ludzi chočuć kupić ježu na zapraŭcy. Kali ŭ vas prabieh 10 kiłamietraŭ — ješcie doma. A kali ja jezdžu pamiž haradami, ja chaču jeści tam, dzie zachaču. A jašče ja b razhledzieła prablemu, što na AZS vydzielena nie tak šmat parkovačnych miescaŭ. Moža, jašče ŭ hetym napramku padumać? A jašče kab pracavaŭ nie adzin supracoŭnik?»,

«Ja asabista suprać, kab apłačvali ježu i bienzin u adnoj kasie, ale nie suprać samoha faktu najaŭnaści ježy na AZS. Kali jedzieš unačy zdalok, kava vielmi dapamahaje».

Šmat ludziej pryvodziać siabie ŭ prykład i prosiać astatnich pavodzić siabie taksama vietliva: «Sasiski i kava na zapraŭcy majuć asablivy smak! Ale ich smak nie źmianiajecca ŭ zaležnaści ad taho, staić mašyna la kałonki ci na stajancy. Dla mnohich heta sakretny sakret. Niezrazumieła, što pieraškadžaje pry apłacie paliva apłacić jašče i kavu z bułkaj, vyjści adahnać mašynu i viarnucca nazad pa ježu»,

«Tak, hramadzianie aŭtaamatary, ruki preč ad kavy i sasisačak na zapraŭkach! Tak, ja taja samaja, chto akramia bienzinu kuplaje na AZS jašče i fast-fud. Ja čałaviek prosty. Pradajuć i mnie heta treba — ja kuplaju. Ale maja mašyna ŭ hety momant staić na parkoŭcy, a nie na kałoncy. Moža, siońniašni ŭkaz navučyć i inšych tak rabić. Było b niadrenna. Škada i dziŭna, što banalnuju pavahu da inšych niekatorych ludziej treba pryvivać štučna».

I navat z hetym ałharytmam nie ŭsie zhodnyja: «I jak vy sabie heta ŭjaŭlajecie? Pastajaŭ u čarzie — zapraviŭ tačku. Vyjšaŭ, adahnaŭ tačku. Ustaŭ jašče raz u čarhu pa kavu i chot-dohi?»

Niekatoryja biełarusy aburajucca, što vinavatymi abrali zvyčajnych ludziej: «Vydatna vyviernuli. Spažyviec užo i vinavaty, a nie AZS, jakaja trymaje adnaho-dvuch apierataraŭ».

Biełarusy aktyŭna prapanoŭvajuć zapraŭkam pavialičvać štat supracoŭnikaŭ i padzialać čerhi: «Słuchajcie, tut reč nie ŭ hałodnych chamiakach, a ŭ arhanizacyi pracesu prodažu paliva i chot-dohaŭ. Ja nikoli sabie nie dazvalaju stajać na zapraŭcy i zatarvacca chot-dohami. Kala Vilejki zapraviŭsia, pastaviŭ mašynu na śpiecyjalna adviedzienaje miesca, pajšoŭ zakazvać bułki z kavaj. Nu i natoŭp čakaŭ, pakul pracaŭnik mnie ŭsio pryhatuje. Naturalna, hetak ža ŭsie byli niezadavoleny».

 Chapaje i tych, chto iranizuje z absurdnaści situacyi.

«Adhadajcie krainu, u jakoj biez prezidenta nie mohuć razabracca, jak pravilna zapraŭlacca i pić kavu na AZS».

«Voś takaja voś ułada ŭ krainie pabudavana, što samaabrany «prezident» pavinien kantralavać prablemu kavy na AZS. Biazdarny vusaty kałhaśnik, jon navat dyktaturu narmalna nie zmoh pabudavać».

Były palitźniavoleny Ihar Łosik taksama pažartavaŭ: «U Biełarusi chočuć zabaranić kavu na zapraŭkach, tamu što badzioraść — pieršy krok da valnadumstva».

Stendapier Słava Kamisaranka na situacyju adreahavaŭ łakanična: zapościŭ u storys fota, na jakim pje kavu ŭ kafe, i padpisaŭ: «Voś tak pravilna pić kapučyna». Ale padpisčyki chutka zaryjentavalisia i dadali na fota Łukašenku, jaki piaščotna abdymaje komika.

Kamientary16

  • Božiečki-košiečki
    18.10.2025
    Nu vsie, chavajsia u bulbu. Jeśli Łukašienko vziałsia za azs, to skoro tam nie budiet ni kofie, ni sosisok, ni bienzina
  • ii
    18.10.2025
    kali ŭžo rabatyzacyja hetaha pracesu prajzodzie?
  • chamsa
    18.10.2025
    «Hłupstva. Biełaruskija zapraŭki — adzin ź niamnohich jakasnych servisaŭ u hetaj krainie. ...» zhodna. samyja smačnyja piražki na zapraŭkach. chto zhodny, staŭcie łajk

Ciapier čytajuć

U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku

U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku

Usie naviny →
Usie naviny

Pakazany imavierny šlach Pucina da Budapiešta18

Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim13

«Ceny jak u stałovaj». Minčanka paabiedała ŭ restaranie piacizorkavaha hatela ŭ centry stalicy i była šakavanaja5

Francuza asudzili da 30 hadoŭ za zabojstva žonki. Ni cieła nie znajšli, nie było śviedak, jak i nie było pramych dokazaŭ4

Tramp prapanavaŭ i Rasii, i Ukrainie abviaścić siabie pieramožcami8

Jakaja adna rysa robić mieniedžara vydatnym? Adkaz vas ździvić6

Tramp skazaŭ Zialenskamu, što pakul nie maje namieru pastaŭlać Kijevu rakiety «Tamahaŭk»16

Zialenski hetym razam jeździŭ da Trampa z kartami Rasii3

Na aŭkcyjonie karcinu Šahała pradali za 3 miljony dalaraŭ4

bolš čytanych navin
bolš łajkanych navin

U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku

U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku

Hałoŭnaje
Usie naviny →

Zaŭvaha:

 

 

 

 

Zakryć Paviedamić