Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Nichto prajechać nie moža, a jany kavu pjuć».
Alaksandr Łukašenka daručyŭ da paniadziełka navieści žalezny paradak z čerhami na aŭtazapravačnych stancyjach. Pra heta jon zajaviŭ na naradzie ŭ Minsku, piša BiełTA.
Źviartajučysia da premjer-ministra Alaksandra Turčyna, Łukašenka spačatku pachvaliŭ jaho: «Ty pravilna ŭčora skazaŭ u intervju — ni ŭ jakim razie nie pakryŭdzić biełarusaŭ. Rynak Biełarusi — heta śviatoje», — skazaŭ jon.
Razam z tym da Łukašenki daviali, što ludzi skardziacca na čerhi: «Užo niekatoryja (čytaju): «Vy viedajecie, čerhi vialikija na AZS»».
Łukašenka raskazaŭ, što «spačatku zadaŭsia pytańniem, u čym pryčyna takoj situacyi, i niaŭžo ŭrad nie vykonvaje daručeńnie ab tym, kab unutrany rynak u dastatkovym abjomie zabiaśpiečvaŭsia palivam», cytuje jaho BiełTA.
Adnak, jak akazałasia, pytańnie było ŭ tym, što akramia zapraŭki aŭtamabilaŭ naviedvalniki AZS karystajucca pasłuhami kafe. «Mašyny pastavili papiarok, nichto prajechać nie moža. A jany ŭ kafe kavu pjuć», — skazaŭ Łukašenka.
Jon skazaŭ, što ŭ svoj čas ludzi «litaralna patrabavali», kab na kožnaj zapraŭcy byli spadarožnyja tavary i mahčymaść, naprykład, papić kavy.
«Mašynu pastavili. — «Prezident, pryjdzi, naviadzi paradak!» Vy što tam, z hłuzdu źjechali? Vy prasili? Prasili. Ja pryniaŭ rašeńnie — na kožnaj zapraŭcy pavinny być spadarožnyja tavary i kava. — «Siońnia nie možam padjechać, zapravicca, tamu što nie tam aŭtamabili stajać…» — skazaŭ jon.
Źviartajučysia da dziaržsakratara Savieta biaśpieki, Łukašenka paprasiŭ daručyć kiraŭniku MUS navieści paradak u hetym pytańni:
«Daručycie Kubrakovu, kab jon tam da paniadziełka navioŭ žalezny paradak».
Što heta značyć, nie ŭdakładniajecca.
Niadaŭna ŭ tyktoku niekatoryja biełarusy skardzilisia, što na zapraŭkach kasiry zaniatyja padrychtoŭkaj chot-dohaŭ, a kiroŭcy vymušanyja stajać u čarzie, kab apłacić paliva.
Ciapier čytajuć
Marata Markava pierasunuli z pasady ministra infarmacyi ŭ ministry kultury32
Kamientary