Premjer Litvy: Kali vypadki z šarami paŭtoracca — my zakryjem pamiežnyja punkty ź Biełaruśsiu
Paśla paŭtareńnia situacyi z masavym zapuskam kantrabandnych pavietranych šaroŭ ź Biełarusi ŭ Litvu premjer-ministr Litvy Inha Ruhinienie zajaviła, što ŭ vypadku paŭtareńnia takich dziejańniaŭ kraina poŭnaściu zakryje miažu z susiedniaj Biełaruśsiu, paviedamlaje LRT.
«Kali znoŭ adbudziecca masavaje pierasiačeńnie našaj miažy takimi šarami, my adreahujem nieadkładna i zakryjem miažu ź Biełaruśsiu», — zajaviła kiraŭnica ŭrada žurnalistam u sieradu paśla pasiadžeńnia Kamisii nacyjanalnaj biaśpieki.
«Pasłableńniaŭ Biełarusi ŭ hetym pytańni nie budzie», — dadała jana.
Pavodle słoŭ Ruhinienie, pieršapačatkova rašeńnie ab zakryćci miažy na adnyja sutki mahła b pryniać Słužba achovy dziaržaŭnaj miažy (VSAT), paśla čaho jana źviarnułasia b va ŭrad dla praciahnieńnia hetaha rašeńnia.
«Na heta času nie paškadujem. (…) Našym susiedziam pasyłajecca vyrazny sihnał — my nie budziem spakojna hladzieć na padobnyja dziejańni», — skazała premjer‑ministarka. Jak paviedamlała ahienctva BNS, u noč z aŭtorka na sieradu ŭ Litvu zalacieli niekalki dziasiatkaŭ kantrabandnych pavietranych šaroŭ.
Z‑za hetaha była parušanaja praca Vilniuskaha aeraporta, što zakranuła kala 30 rejsaŭ i bolš za 4 tysiačy pasažyraŭ, a taksama časova byli začynieny kantrolna-prapusknyja punkty «Miedniki» i «Salečniki» («Kamienny Łoh» i «Bieniakoni» ź biełaruskaha boku).
Pavodle słoŭ premjer‑ministarki, płanujucca i inšyja miery: ŭzmacnieńnie adkaznaści za kantrabandnuju dziejnaść, a taksama abmierkavańni ź litoŭskim biznesam techničnych sposabaŭ praduchileńnia traplańnia takich šaroŭ u krainu.
«Da piatnicy ministr unutranych spraŭ abaviazaŭsia pradstavić prapanovu pa technałahičnych srodkach, z dapamohaj jakich možna budzie błakavać SIM‑karty, ustalavanyja razam z šarami», — paviedamiła Ruhinienie.
Na nastupnym tydni zapłanavana čarhovaje pasiadžeńnie Kamisii nacyjanalnaj biaśpieki dla acenki chodu vykanańnia hetych mier.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary