U Minsku zdajuć zusim raźbituju kvateru naohuł bieź ničoha. Uładalnik śćviardžaje, što ramont nie patrebny.
U Sierabrancy zdajecca 2‑pakajovaja kvatera, pryčym za davoli nizkuju canu: 150 dalaraŭ u miesiac (447 rubloŭ), piša Blizko.by.
Heta kvatera ŭ piacipaviarchoviku 1973 hoda na praśpiekcie Rakasoŭskaha, 35 składaje 39 kvadratnych mietraŭ, sanvuzieł raździelny.
Apisańnie kvatery takoje: «Kvatera biez ramontu. Ramont nie patrebny. U kvatery jość chaładzilnik, stoł, hazavaja plita. Usia santechnika pracuje. Hladzicie ŭvažliva fatahrafii. U kvatery nichto nie prapisany».
I ŭsio b ničoha, ale pa fatahrafijach zusim vyrazna vidać, što ramont vielmi navat patrebny.
Akramia ŭžo zhadanych plity i chaładzilnika, u kvatery možna zaŭvažyć pralnuju mašynu, staruju taburetku i dyvanok kala ŭvachodnych dźviarej. Na hetym abstanoŭka kvatery vyčarpana.
Dźviarej u pakoi, na kuchniu, u vannuju i tualet niama, zatoje visiać razietki ŭ niečakanych miescach. Ad byłoj ściennaj šafy ŭ kalidory zastałasia vialikaja vyjemka ŭ padłozie, dzie-nidzie zakładzienaja cahlinami.
Ź plusaŭ: novy hazapravod, batarei aciapleńnia, płastykavyja vokny i škleńnie bałkona. Taksama ŭładalnik śćviardžaje, što jość Wi-Fi.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary