Karaleva Niderłandaŭ apranuła vajskovuju formu i naniesła na tvar maskiroŭku FOTAFAKT
Padčas naviedvańnia navučalnaha centra karaleŭskaj žandarmieryi ŭ horadzie Charderviejku žonka niderłandskaha karala Vilema-Alaksandra apranuła vajskovuju formu, nadzieła šlem i achoŭnyja akulary i navat zamaskiravała tvar zialonaj farbaj. Heta vyklikała vialikuju cikavaść i simpatyi pa ŭsioj Jeŭropie.
Karaleva ŭśmichałasia i žartavała z vajskoŭcami, starajučysia stać «svajoj» siarod udzielnikaŭ navučańnia. U centry, jaki jana naviedała, rychtujuć žandaraŭ dla słužby karaleŭstvu.
Darečy, starejšaja dačka karalevy i spadčyńnica tronu, 21‑hadovaja pryncesa Amalija, niadaŭna vyrašyła prajści vajskovuju padrychtoŭku. Jana abviaściła pra heta ŭ lipieni.
Paraŭnalnyja z Amalijaj pa ŭzroście pradstaŭniki jeŭrapiejskich karaleŭskich siemjaŭ, darečy, zrabili heta jašče raniej. Siarod tych, chto ŭžo atrymaŭ vajskovy dośvied, — ispanskaja pryncesa Leanor, bielhijskaja pryncesa Elizabet, narviežskaja pryncesa Inhryd i dacki prync Krysten.
Choć pa niderłandskich praviłach manarch nie abaviazany być hałoŭnakamandujučym uzbrojenymi siłami, pryncesa Amalija choča ŭ budučyni pryniać hetuju adkaznaść, kab być bližej da spravy abarony svajoj krainy.
Karaleva NATA. Chto heta zahadkavaja žančyna ŭ žoŭtym, jakaja ŭraziła ŭsich na samicie
Pamierła maci-karaleva Tajłanda. Jaje nazyvali ikonaj stylu
Abiezhałoŭlenaja karaleva. Čamu toje, što my pra jaje vučyli ŭ škole, było mifam
U Vindzarskim zamku Miełanija Tramp była absalutna niepranikalnaj. A paśla pieraapranułasia — i stvaryła procilehłaje ŭražańnie FOTY
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary