Hitaryst vuličnaj hrupy «Stoptajm» zrabiŭ u aŭtazaku prapanovu śpiavačcy Naoka
Zatrymanyja vakalistka rasijskaha hurta «Stoptajm» Naoka i hitaryst Alaksandr Arłoŭ abviaścili pra zaručyny.
Hitaryst Alaksandr Arłoŭ prapanavaŭ u aŭtazaku Dzijanie Łohinavaj (Naoka) stać jaho žonkaj. Muzykaŭ vieźli adbyvać aryšt. Piarścionak z survetki jon padaŭ u skryncy z-pad IQOS, piša «Bumaha».
«Stoptajm» — vuličnaja rasijskaja hrupa. U internecie stali virusnymi videa jaje vystupleńniaŭ z vykanańniem piesień «Pornafilmaŭ», Manietački, Noize MC i inšych muzykaŭ, pryznanych u Rasii «zamiežnymi ahientami».
Na adnym z apublikavanych videa muzyki vykonvali pieśniu «Kaapieratyŭ «Lebiadzinaje voziera»» repiera Noize MC, jakuju ŭ mai rasijski sud zabaraniŭ, ukazaŭšy, što ŭ joj «vykarystoŭvajucca prynižalnyja i abraźlivyja charaktarystyki, jakija mohuć być atajasamleny ź fihuraj, što simvalizuje narod RF».
Vakalistka hrupa — 18‑hadovaja Dzijana Łohinava.
15 kastryčnika muzykaŭ paśla čarhovaha vystupu zatrymali i asudzili na 13 sutak za arhanizacyju masavaha mierapryjemstva.
Učora ich nie vypuścili na volu, Dzijanu aštrafavali na 30 tysiač rasijskich rubloŭ (380 dalaraŭ) pa pratakole ab «dyskredytacyi» armii z-za vykanańnia pieśni Manietački «Ty sałdat» i adpravili nazad u palicyju dla składańnia novaha pratakoła. Raniej dziaŭčynu strašyli kryminalnaj spravaj.
Siońnia Naoku znoŭ asudzili na 13 sutak. Jaje pryznali vinavataj u «arhanizacyi masavaha znachodžańnia hramadzian, što paciahnuła parušeńni hramadskaha paradku».
Niaŭzabavie sud pavinien razhledzieć druhi pratakoł u dačynieńni da hitarysta Alaksandra Arłova. Jaho napiaredadni, jak i Naoku, zatrymali na vychadzie sa śpiecpryjomnika, dzie jon pravioŭ 12 sutak.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary