Akcyi Apple u aŭtorak, 28 kastryčnika, vyraśli na 0,4%. U vyniku kapitalizacyja kampanii skłała $4,05 trłn. Apple stała treciaj publičnaj kampanijaj u historyi, jakaja dasiahnuła hetaha rubiaža, piša Bloomberg.
Zaraz pieršaje miesca ŭ śpisie samych darahich kampanij śvietu zajmaje NVIDIA. Jaje rynačnaja vartaść aceńvajecca ŭ $4,82 trłn. Na druhim miescy Microsoft z kapitalizacyjaj $4,09 trłn.
Akcyi Apple znachodziacca na piku koštu za ŭsiu historyju kampanii. 28 kastryčnika jany kaštavali $269,61 za papieru. Usiaho ž z krasavickaha minimumu akcyi kampanii vyraśli bolš čym na 56%.
Ekśpierty kažuć, što rekordny rost akcyj Apple źviazany ź vielmi ŭdałym startam prodažaŭ novaj liniejki iPhone. Za pieršyja 10 dzion u ZŠA i Kitai prodažy iPhone 17 akazalisia bolšymi, čym u sieryi iPhone 16 za toj ža termin, na 14%. Akramia taho, pradukcyju Apple vyzvalili ad pošlin, uviedzienych Trampam u dačynieńni da impartu.
Tym nie mienš analityki rynku pakul aściarožnyja ŭ acency pierśpiektyŭ kampanii. Jak piša Bloomberg, siarod kampanij «vydatnaj siamiorki» ŭ Apple samy nizki pracent rekamiendacyj «kuplać». A prahnoznaja siaredniehadavaja vartaść jaje akcyj aceńvajecca rynkam na 6% nižej za ciapierašniuju.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary