Studenta BDEU adličyli za toje, što stajaŭ śpinaj da ściaha na liniejcy
Treciakurśnika BDEU Kiryła ŭ vieraśni vyklučyli z VNU. Pavodle jaho słoŭ — z-za taho, što jon stajaŭ śpinaj da dziaržściaha. Chłopiec źviarnuŭsia ŭ Minadukacyi, tam adkazali, što parušeńniaŭ nie znajšli, piša «Lusterka».
Kirył vučyŭsia na płatnym, aficyjna jaho adličyli «za nievykanańnie abo nienaležnaje vykanańnie biez pavažnych pryčyn abaviazkaŭ navučenca, jaki maje niaźniataje dyscyplinarnaje spahnańnie», źviarnuła ŭvahu BGmedia.
Damovu na navučańnie ź im skasavali za parušeńnie pravił unutranaha rasparadku BDEU, «jakoje vyjaviłasia ŭ ździajśnieńni dziejańniaŭ, za jakija zakanadaŭstvam praduhledžana administracyjnaja abo kryminalnaja adkaznaść».
Pa słovach Kiryła, jaho vyklučyli z-za videa ź liniejki na 1 vieraśnia, dzie jon stajaŭ pamiž dźviuma dziaŭčatami i ruchaŭsia pad himn Biełarusi. Rolik nibyta dajšoŭ da Minadukacyi, i tam ubačyli «niepavahu da dziaržsimvałaŭ», tamu što trojca stajała śpinaj da ściaha.
Raniej u chłopca byli akademičnyja zapazyčanaści i spahnańnie, a videa stała padstavaj dla druhoha spahnańnia i adličeńnia.
Eks-student paviedamiŭ, što źviazaŭsia z advakatam, toj skazaŭ, što vyklučeńnie było niepravamiernym, bo ŭ videa niama «niepavahi da dziaržsimvałaŭ». Kirył źviarnuŭsia ŭ Minadukacyi — tam adkazali, što ŭsio pravamierna.
Kirył miarkuje, što ŭ Minadukacyi «z takim adkazam mahli nie adkazvać». Pra dalejšyja dziejańni jon nie paviedamlaŭ, choć raniej źbiraŭsia iści ŭ sud. Pakul tolki viadoma, što pozvu ŭ vajenkamat jamu ŭručyli na sakavik 2026 hoda.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku70
Kamientary
A jak treba fotkacca, kali chočaš, kab u kadr na pamiać uvajšoŭ fasad univiersiteta??
Treba tvaram stać da budynka? To bok zadam da fatohrafa?
Na školny albom taksama tak treba stanavicca?? Tvaram da škoły, zadam da fatohrafa?