Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m
Fiodara Kandzirandu zvolnili z Vajskovaj akademii ŭ kastryčniku 2020 hoda. U mai 2021‑ha jaho pazbavili zvańnia zahadam Łukašenki. Ciapier jon za kratami.
Fiodaru Kandziranda 47 hadoŭ. Vučyŭsia ŭ Vajskovaj akademii, jakuju skončyŭ u 1999 hodzie. U Fiodara jość žonka i 17‑hadovaja dačka.
Jon šmat vučyŭsia i paśla. U 2012 skončyŭ mahistraturu, a z 2008 pa 2017 hady — šerah kursaŭ pavyšeńnia kvalifikacyi ŭ Respublikanskim instytucie vyšejšaj škoły i Respublikanskim instytucie inavacyjnych technałohij.
Sa žniŭnia 2008 hoda pa kastryčnik 2020 hoda Kandziranda pracavaŭ na pasadzie staršaha vykładčyka Vajskovaj akademii. Usie 12 hadoŭ vykładčyckaj dziejnaści zajmaŭsia padrychtoŭkaj vajskovych śpiecyjalistaŭ na kafiedry taktyki. Z kalehami Fiodar raspracavaŭ elektronny vučebna‑mietadyčny kompleks «Asnovy miratvorčaj dziejnaści».
Taksama Kandziranda pisaŭ padručniki i administravaŭ adukacyjnyja resursy. Pieryjadyčna vystupaŭ pierad dziećmi i raspaviadaŭ pra toje, jak pajšoŭ u vajskovuju VNU.
Niekalki razoŭ, pa jahonych słovach, pryznavaŭsia najlepšym staršym vykładčykam akademii.
U žniŭni 2020 Fiodar Kandziranda nie padtrymaŭ hvałt na vulicach Biełarusi i pasprabavaŭ zvolnicca. U zvalnieńni pa zhodzie bakoŭ jamu admovili, tamu daviałosia iści na kanflikt. U vyniku ŭ jaho atrymałasia zvolnicca z 29 kastryčnika, ale pa artykule. Fiodar zastaŭsia vinavaty ŭstanovie kala 2000 dalaraŭ.
Fiodara Kandzirandu pazbavili zvańnia padpałkoŭnika zapasa 4 maja 2021 hoda asabistym ukazam Łukašenki ŭ šerahu jašče 80 siłavikoŭ.
Paśla zvalnieńnia jon pajšoŭ u IT. Miesca jahonaj pracy dakładna nieviadomaje.
Fiodara Kandziranda aryštavali ŭ sakaviku 2025 hoda. Pa infarmacyi pravaabaroncaŭ, u vieraśni 2025 hoda jamu prysudzili dva z pałovaj hady kałonii za «sadziejničańnie ekstremisckaj dziejnaści» (č. 1 i č. 2 art. 361‑4 KK).
Sutnaść abvinavačańniaŭ dakładna nieviadomaja. Pravaabaroncy miarkujuć, što jon moža być čarhovym abvinavačanym pa spravie Hajuna.
«Naša Niva» — bastyjon biełaruščyny
PADTRYMAĆCiapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Cudaŭ nie byvaje. Ja nie vieru ŭ cudoŭnaje pieraradžeńnie najmita.
Mietodika raznaja....