Ministr abarony Bielhii Tea Frankien u intervju vydańniu De Morgen zajaviŭ, što ŭ vypadku napadu Rasii na krainy NATA nastupstvy dla Maskvy buduć katastrafičnymi. Jon padkreśliŭ, što lubaja ataka na jeŭrapiejskija stalicy budzie razhladacca jak napad na ŭvieś aljans i vykliča nieadkładny adkaz.
Frankien adznačyŭ: kali Pucin naniasie ŭdar, naprykład, pa Brusieli, heta budzie «ŭdar u samaje serca NATA», i tady Maskvu «zraŭniajuć ź ziamloj». Pry hetym ministr vykazaŭ upeŭnienaść, što rasijski lidar na taki krok nie pojdzie.
Jon taksama dapuściŭ mahčymaść hibrydnych pravakacyj u krainach Bałtyi, kali «zialonyja čałaviečki» pad vyhladam cyvilnych asob mohuć sprabavać vyklikać kanflikty, vykarystoŭvajučy ruskamoŭnyja mienšaści.
Adnačasova Tea Frankien papiaredziŭ, što nielha niedaaceńvać vajskovy patencyjał Rasii — jaje abaronnaja pramysłovaść, pavodle jaho słoŭ, vyrablaje ŭ čatyry razy bolš bojeprypasaŭ, čym usie krainy NATA razam.
Na słovy bielhijskaha ministra ŭžo adreahavała rasijskaje pasolstva ŭ Bielhii, nazvaŭšy zajavy Frankiena «pravakacyjnymi i biezadkaznymi», jakija mohuć «uciahnuć Jeŭropu ŭ novuju vajnu». U paviedamleńni dypmisii adznačajecca, što ministr «pryznaŭ vidavočny fakt» — vajna Rasijaj viadziecca nie tolki z Ukrainaj, a z usim «kalektyŭnym Zachadam».
«My ŭ 25 razoŭ bolšyja». Hiensak NATA zaklikaŭ nie pierabolšvać vajskovy patencyjał Pucina
U Finlandyi aficyjna adkryŭsia štab suchaputnych vojskaŭ NATO ŭ Paŭnočnaj Jeŭropie
«Pucin ubačyć jašče bolš NATA la svaich miežaŭ» — ministr abarony Šviecyi
Jeŭropa papiaredziła Rasiju, što budzie źbivać jaje samaloty nad svajoj terytoryjaj
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja30
Kamientary
Moskva shorieła cielikom.
Požar na płoŝadi na Krasnoj
I tlejet byvšij Iźbirkom
Nikto nie vyžił - vsie shorieli,
Vsie Pussy Putin i Sobčak
I u stieny kriemlevskoj jeli,
Horieli [Red. Vydalena] tak
[Zredahavana]