Rasijskaja radyjostancyja «Sudnaha dnia» ścichła z-za ŭdaru bieśpiłotnika
«Tranślacyi časova nie budzie. Prablema ŭ adklučeńni elektraenierhii z-za traplańnia bieśpiłotnika», — paviedamiŭ telehram-kanał «UVB 76-efir».
13 listapada ŭ 10:55 u efir było pieradadziena słova «ržavlenije». Hetaje ž słova tranślavałasia UVB-76 19 lutaha 2022 hoda, za piać dzion da pačatku poŭnamaštabnaj vajny va Ukrainie.
Da hetaha dnia «Radyjostancyja Sudnaha dnia» apošni raz ažyvała 6 listapada, kali ŭ efir było pieradadziena try paviedamleńni, u adnym ź jakich fihuravała Krym. U pryvatnaści, prahučali takija nabory litar i ličbaŭ, jak «NŽTI 42404 KRYMOCHRYP 9317 8248».
«UVB-76» — numarnaja stancyja ŭ Rasii, jakaja viaščaje ź siaredziny 1970‑ch hadoŭ. Jaje možna pačuć na častacie 4625 kHc (taksama radyjo dastupna anłajn). Zvyčajna efir stancyi zapaŭniaje bieły šum, časam hučać karotkija paviedamleńni ź ličbami i nie źviazanymi pamiž saboj słovami (časta — imionami), ź pieršych litar jakich składajucca asobnyja słovy. Jaje nazyvajuć «žužałkaj».
Na pačatku pieradavanych paviedamleńniaŭ idzie zaklik, jaki składajecca ź pieršych litar imionaŭ ci słoŭ. Nazva «UVB-76» — heta, mierkavana, zaklik atrymalnika radyjahram stancyi da 2010 hoda, piša gazeta.ru.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary