«Трансляцыі часова не будзе. Праблема ў адключэнні электраэнергіі з-за трапляння беспілотніка», — паведаміў тэлеграм-канал «УВБ 76-эфір».
13 лістапада ў 10:55 у эфір было перададзена слова «ржавленіе». Гэтае ж слова транслявалася УВБ-76 19 лютага 2022 года, за пяць дзён да пачатку поўнамаштабнай вайны ва Украіне.
Да гэтага дня «Радыёстанцыя Суднага дня» апошні раз ажывала 6 лістапада, калі ў эфір было перададзена тры паведамленні, у адным з якіх фігуравала Крым. У прыватнасці, прагучалі такія наборы літар і лічбаў, як «НЖТІ 42404 КРЫМОХРЫП 9317 8248».
«УВБ-76» — нумарная станцыя ў Расіі, якая вяшчае з сярэдзіны 1970‑х гадоў. Яе можна пачуць на частаце 4625 кГц (таксама радыё даступна анлайн). Звычайна эфір станцыі запаўняе белы шум, часам гучаць кароткія паведамленні з лічбамі і не звязанымі паміж сабой словамі (часта — імёнамі), з першых літар якіх складаюцца асобныя словы. Яе называюць «жужалкай».
На пачатку перадаваных паведамленняў ідзе заклік, які складаецца з першых літар імёнаў ці слоў. Назва «УВБ-76» — гэта, меркавана, заклік атрымальніка радыяграм станцыі да 2010 года, піша gazeta.ru.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць15
Каментары