Biełaruskija navukoŭcy adznačajuć, što žychary krainy stali mienš užyvać zvyčajnuju bulbu i čaściej vybirajuć hatovyja bulbianyja pradukty — piure, fry ci paŭfabrykaty. Jak patłumačyŭ na pres-kanfierencyi kiraŭnik Navukova-praktyčnaha centra NAN Biełarusi pa bulbavodstvie i harodnictvie Vadzim Machańko, bulba zastajecca nacyjanalnaj kulturaj, ale mnohija ludzi prosta lanujucca jaje łupić i addajuć pieravahu ŭžo pryhatavanaj pradukcyi.
«Baluča pra heta kazać, ale časam my prosta lanujemsia łupić bulbu. Nam patrebna bulba ŭžo papiarednie pryhatavanaja ci ŭžo hatovaja strava z bulby», — rastłumačyŭ Vadzim Machańko pryčyny taho, čamu źnižajecca spažyvańnie charčovaha kłubnia.
Tamu, kab zadavolić patreby spažyŭcoŭ i vytvorcaŭ, biełaruskija navukoŭcy stvarajuć novyja sarty bulby — jak dla stała, tak i dla pierapracoŭki.
Siarod apošnich navinak — rannija sarty «Krasavik» (z ružovaj łupinaj) i «Umka»(bieła-žoŭty, uradžaj źbirajuć užo ŭ lipieni), a taksama siaredniaśpieły «Vodar», prydatny dla vyrabu suchoha piure. Dla kruchmalnaj haliny raspracavali sort «Bajarski», jaki maje vysokaje ŭtrymańnie kruchmału.
Akramia bulby, biełaruskija vučonyja pracujuć nad stvareńniem hibrydnych sartoŭ harodniny. Užo vyviedzieny pieršy ajčynny hibryd cybuli — «Tutejšy», i hibryd azimaha časnaku — «Piaśniar». Taksama praciahvajecca raspracoŭka ŭłasnych sartoŭ pamidoraŭ i ahurkoŭ dla adkrytaha hruntu i ciaplic.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
łupić == obdirať, rvať, drať
łupiť (RUS)
1) (očiŝať ot kory, skorłupy ) łupić, abdzirać
2) (brať vtridoroha) łupić, drać, dzierci
3) (silno biť, kołotiť, chlestať) łupić, bić, łupcavać, chvastać
łupiť knutom — łupić (łupcavać, chvastać) puhaj
dožd́ łupit — doždž łupić
łupiť hłaza — łupić vočy
łupiť kak sidorovu kozu — łupić jak sidaravu kazu
čistiť
1) (udalať hriaź, diełať čistym) čyścić
(tierieť — jeŝio) šaravać
(vaksiť — jeŝio) vaksavać
2) (ot kožury) abirać
(skriesti) skrebci, struhać
(łuŝiť — jeŝio) łuščyć, łuzać
(pieriebirať) pierabirać čistiť
kartošku — abirać (prieimuŝiestvienno varionuju) ,
struhać (syruju) ,
skrebci (mołoduju) bulbu
čistiť morkov́ — skrebci morkvu
čistiť rybu — skrebci rybu
čistiť horošiek — abirać (łuščyć, łuzać) harošak
čistiť višni, hriby — pierabirać višni, hryby