U Słavakii školnikam nie spadabałasia prarasijskaja lekcyja premjera Fica. Jon paraiŭ im iści vajavać na front
Sustreča premjer-ministra Słavakii Robierta Fica z vučniami starejšych kłasaŭ himnazii ŭ horadzie Poprad prajšła vielmi napružana. Heta była druhaja sproba pračytać im lekcyju pa źniešniaj palitycy — pieršuju admianili paśla taho, jak vučań napisaŭ pierad škołaj krytyčny nadpis krejdaj, piša vydańnie Trnavak.
Padčas lekcyi Fica šmat havaryŭ pra Rasiju, niekalki razoŭ zhadvaŭ Pucina i navat paraiŭ maładym, kali jany chočuć niečaha ad rasijskaha lidara, «naźbirać hrošaj i pajechać zadać jamu pytańni asabista». Jon taksama paprakaŭ vučniaŭ za toje, što jany pryjšli na sustreču ŭ čornaj vopratcy, što było ich cichim pratestam.
Situacyja abvastryłasia, kali Fica zahavaryŭ pra vajnu va Ukrainie. Jon skazaŭ: «Kali vy takija hieroi i za tuju vajnu — dyk idzicie tudy vajavać». Paśla hetych słoŭ mnohija vučni padnialisia, pačali źvinieć klučami (tradycyjny słavacki simvał pratestu) i vyjšli z zały. Adzin vučań trymaŭ pry hetym ukrainski ściah. Fica adkazaŭ na šum słovami: «Nu to źvinicie klučami».
Paśla taho, jak videa i śviedčańni vučniaŭ razyšlisia pa sacsietkach, Fica zajaviŭ na svajoj staroncy ŭ fejsbuku, što tyja, chto «nie chacieŭ słuchać», pajšli, ale na ich miesca pryjšli inšyja, hatovyja da dyskusii.
Hetaja padzieja stała praciaham bolš šyrokaha kanfliktu: raniej vučań Michał byŭ vyklikany na dopyt za nadpis krejdaj z krytykaj premjera, što vyklikała pratesty va ŭsioj krainie. U Popradzie ŭ dzień sustrečy napružanaść adčuvałasia z samaj ranicy, navat pierad uvachodam u budynak adbyvalisia kanflikty. Vučni čakali Fica ŭ čornaj vopratcy ŭ znak niazhody ź jaho palitykaj i pavodzinami.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary