Kožny siomy žychar Słavakii padtrymlivaje dałučeńnie da Rasii — apytańnie
Pavodle apytańnia, praviedzienaha ahienctvam SCIO, amal kožny siomy žychar Słavakii (14%) adkryta padtrymlivaje ideju dałučeńnia krainy da Rasii. Jašče 18% taksama razhladajuć takuju mahčymaść, choć i biez vyraznaj padtrymki, piša «Jeŭrapiejskaja praŭda».
Takim čynam, kožny treci apytany dapuskaje, što Słavakija ŭ budučyni moža stać častkaj Rasijskaj Fiederacyi.
Najbolšuju padtrymku hetamu vykazvajuć studenty i biespracoŭnyja, što, pa mierkavańni analitykaŭ, źviazana nie stolki z palityčnymi pierakanańniami, kolki z ekanamičnaj niaŭpeŭnienaściu i rasčaravańniem u prazachodnim kursie krainy.
Taksama apytańnie vyjaviła mocny hramadski padzieł u pytańni vajskovaha niejtralitetu Słavakii. Kala 32,5% respandentaŭ vykazalisia suprać niejtralitetu, kali jon pryviadzie da paharšeńnia žyćcia. A voś 15% padtrymlivajuć niejtralitet niezaležna ad nastupstvaŭ.
Najbolš aktyŭna suprać dałučeńnia da Rasii vystupajuć žychary Žylinskaha kraju na poŭnačy krainy, ale mienavita tam i bolš za ŭsio tych, chto padtrymlivaje ideju niejtralitetu.
Niadaŭna premjer-ministr Słavakii Robiert Fica zajaviŭ, što niejtralny status krainy byŭ by dla jaje vyhadnym va ŭmovach sučasnaj mižnarodnaj situacyi.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary
pamiať kak u rybok huppi. omierzitielno...