Fica paraŭnaŭ Ukrainu z travoj padčas seksu słanoŭ — MZS Ukrainy adreahavała
Ministerstva zamiežnych spraŭ Ukrainy asudziła adkryta abraźlivuju rytoryku premjer-ministra Słavakii Robierta Fica, jaki, kamientujučy budučy samit lidaraŭ ZŠA i Rasii, zajaviŭ, što «nie važna, zmahajucca słany ci zajmajucca seksam — zaŭsiody ciarpić trava», majučy na ŭvazie pad «travoj» Ukrainu.
Ukrainskaje źniešniepalityčnaje viedamstva asudziła adkryta abraźlivuju rytoryku ŭ adras Ukrainy i ŭkrainskaha naroda z boku premjer-ministra Słavakii Robierta Fica, piša «Jeŭrapiejskaja praŭda».
U viedamstvie adznačyli, što Robiert Fica tak i nie ŭśviadomiŭ sapraŭdnych pryčyn złačynnaha ŭvarvańnia RF, a taksama niebiaśpieki, jakuju niasie flirt ź dziaržavaj-ahresaram.
«Kryŭdna, što kiraŭnik urada dziaržavy — člena Jeŭrapiejskaha Sajuza dazvalaje sabie adkryta abraźlivuju rytoryku ŭ adras Ukrainy i ŭkrainskaha naroda, jaki štodnia hieraična zmahajecca z rasijskaj ahresijaj, strymlivajučy jaje na svajoj ziamli ŭ intaresach biaśpieki ŭsioj Jeŭropy», — havorycca ŭ kamientaryi.
Napiaredadni, kamientujučy samit lidaraŭ ZŠA i RF, Fica zajaviŭ, što nie maje značeńnia, pra što damoviacca Donald Tramp i Uładzimir Pucin — bolš za ŭsio paciarpić Ukraina.
«Pamiatajecie staruju afrykanskuju iścinu, jakuju ja tak lublu paŭtarać? Nie važna, zmahajucca słany ci zajmajucca seksam, zaŭsiody ciarpić trava. Niezaležna ad taho, čym skončacca pieramovy słanoŭ 15 žniŭnia, paciarpić trava — u dadzienym vypadku, Ukraina», — zajaviŭ Fica.
U MZS Ukrainy asudzili takuju rytoryku.
«Heta lehkadumnaść, jakaja abražaje pamiać zahinułych, pakuty miljonaŭ ukrainskich siemjaŭ i samaachviarnaść tych, chto zmahajecca za svabodu», — zajavili ŭ MZS.
U viedamstvie dadali, što zajavy Robierta Fica dysanirujuć z ducham dobrasusiedstva, salidarnaści i ŭzajemapavahi, jakija ŭvieś hety čas demanstruje słavacki narod u dačynieńni da Ukrainy.
«Tamu svaimi zajavami spadar Fica abražaje i svoj narod», — padkreślili ŭ MZS.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary